Friday, February 24, 2023, go make-am complete one year wey the war for Ukraine start. As some report talk, na about 300,000 Ukraine soldiers and Russia soldiers don die or injure, and na about 30,000 people wey no be soldiers don die for the war. But e fit be say the number of this people pass like this.

 E make us sad to know say nothing don really happen to show say this war go soon end.

•   “Nearly one year since Russia soldiers enter Ukraine, no real sign to show say the war go soon end. This two country de do everything wey them fit do to win the war, and the things wey them de talk show say them never ready to end the war.”—NPR (National Public Radio), February 19, 2023.

 Many people no happy to see the pain and suffer wey this war and other problems like this de cause for innocent people around the world. But which hope Bible de give? War go ever end?

 The Bible talk about one war wey go save people, no be to destroy them. The war na Armageddon, and Bible talk about-am say na “the war of the great day of God the Almighty.” (Revelation 16:14, 16) God go use that war end all the government for this world wey don cause plenty wars wey don destroy people life. To learn about how Armageddon go bring peace wey go last forever, read the articles for under:

•   “Wetin Be the War of Armageddon?”

•   Armageddon Na Good News!”