Report of how people de talk bad about other people, de do wicked things wey show say them hate other people, de fight people wey come from other place or tribe, and report of war really full news.

•   The New York Times of November 15, 2023 talk say: “The bad things wey people de talk about other people don plenty pass before for internet because of the fight wey de happen between Israel and Gaza, and because of people wey de cause trouble and make people hate each other.”

•   Dennis Francis, wey be president of the United Nations General Assembly, talk for November 3, 2023 say: “Since October 7, the way people de hate each other, de talk bad about other people, and de do wicked things wey show say them hate other people don really increase for the world.”

 To hate and de talk bad about other people, fight-fight, and war no be new thing. In fact, Bible talk about people for past wey de “point their wicked words like arrows” and wey de support war and fight-fight. (Psalm 64:3; 120:7; 140:⁠1) Even with this one, Bible explain say the way people de hate other people today get important meaning.

 Bible talk about two reasons why many people really hate each other today.

1.  1. E talk about the time when “the love wey most of the people get go de go down.” (Matthew 24:12) Instead of love, plenty people go de show character wey go make people de hate each other.​—2 Timothy 3:1-5.

2.  2. The way people really hate other people today de show say na Satan the Devil de control them. Bible talk say “na the wicked person de control the whole world.”​—1 John 5:19; Revelation 12:9, 12.

 But, Bible still show say God go soon end the things wey de make people hate each other. No be only that one, e go comot all the suffer wey don happen as people de hate each other. Bible promise say:

•   God “go clean all the tears comot from their eyes, and death no go dey again, sorrow, cry-cry, and pain no go dey again. The things wey de happen before don go.”​—Revelation 21:4.