Our brothers and sisters for many lands don change the way them de preach and worship together because of the coronavirus disease wey de spread. For many areas, we no de gather together for Kingdom Hall again, but instead, we de use Internet gather together for meeting with video call. Na this one still make many brothers change the way them de support the preaching work with their contributions. Now, them de use Internet make their contributions.

Jehovah Witness for more than 112 lands fit make their contributions for Internet for donate.pr418.com with their atm card.

As e be say many publishers no fit go Kingdom Hall to put their contribution for box, some don set-am say make donate.pr418.com de comot their contribution every month. Sister Susan Cohen na 74 years old publisher for America, and na this style e de use to make e contribution. E talk say: “E just dey simple; if I fit do-am, any person fit do-am. I dey happy say I fit still contribute to support the preaching work.”

Brother Eduardo Paiva for Brazil be de think say to use donate.pr418.com na another way to make contribution if person no fit contribute for box by eself. E talk say: “Na now I de see say this na the best way to continue to support the preaching work when things hard. We fit use this way to continue to show love for this last days.”

Brother Gajus Glockentin na the overseer for the Treasurer’s Office for the world headquarters of Jehovah Witness for Warwick, New York. E talk say: “To see how the brothers de show say them want support the preaching work, na something wey de really make faith strong. We no de use this contributions anyhow. We de always check how we fit reduce the amount wey we de spend for our organization and use this contributions for the best way. Even though say some don reduce the amount wey them de contribute, the way them de show say them dey ready to support Jehovah organization never reduce.”​—2 Corinthians 9:7.