As the COVID-19 disease de spread for the whole world and Jehovah Witness them de do more for the Memorial season, the number of people wey de visit the jw.org website just de add more-more. People de come check the website to get comfort from Bible and to hear about things wey de happen. The number of visitors for the month of March don high pass February and the number of people wey de ask for Bible study don plenty pass before.

For the period wey the disease start to spread, small-small, the number of people wey de visit the website just de go up. For February, na about two million visitors de come the website every day, and that na the normal number of people wey de come before. But for March, this number pass three million every day, and for days wey we release special news about coronavirus, the number of visitors de pass four and half million. For April 7, wey na the Memorial day, the number of visitors pass seven million, and most of them come the website to watch the special morning worship program and the Memorial talk.

The overseer of the MEPS Programming Department for the world headquarters of Jehovah’s Witnesses for Warwick, New York, Brother Clive Martin talk say, “This time of the year many people de come jw.org to check which place and which time Memorial go dey. Since many people wey get interest for the message of the Bible no go fit join us for Kingdom Hall this year, we post the 2020 special talk and the Memorial talk for more than 500 different country talk. Millions of people download or watch the program for jw.org. The high number of visitors for the website for this hard time show say jw.org na really important website to help people get comfort from the Bible, no be only for Jehovah Witness.”

E no surprise us say many of the visitors for the website de find things wey we don write about how to care for our health and wetin we go do make we no catch disease. Some still find topics about stress and worry. The website still record high number of search for people wey de find wetin Bible talk about the sign of the last days and the four horsemen wey Bible talk about for Revelation chapter 6.

Another thing about the number wey de increase na the number of people wey de ask for Bible study. Before, na about 250 people de ask for Bible study every day. But for the month of March, e reach 350 people every day or nearly 11,000 for the month. For the day of Memorial and the day after Memorial, more than 1,000 people ask for Bible study for jw.org.

Jesus talk say when people know say they need God for their life, they go dey happy. (Matthew 5:3) Our heart de glad say all this plenty people de find comfort and help from Jehovah and from e organization for this hard time.​—2 Corinthians 1:3, 4.