Bible, wey them still de call Holy Scriptures get plenty advice wey de give sense. But hear wetin e talk by e self: “God use holy spirit direct everything wey they write inside Bible.” (2 Timothy 3:16) Plenty proof dey to support this one. Make we see some of them:

•   Na true say some people de claim say the story them wey Bible talk about no be true, but nobody among them don succeed to prove-am.

•   The people wey write Bible, they be men wey de talk true and write exactly wetin happen. Because of this one, we fit trust say wetin they write na the truth.

•   Bible from Genesis to Revelation get one main message: the right wey God get to rule us and how e go use e Kingdom for heaven do wetin e get for mind.

•   Science people for past get some kind wrong idea wey people really believe that time, but Bible no make that kind mistake even though say they don write-am many-many years ago.

•   Wetin they write about things wey happen for past show say wetin Bible talk say go happen really happen.