Na only one time Bible mention the word tattoo and na for Leviticus 19:​28, wey talk say: “Make wuna no draw tattoo marks for wuna body.” God give this command to Israel people, and this one make them dey different from the people around them wey de mark their body with the names or things wey stand for their gods. (Deuteronomy 14:⁠2) Even though say Christians no dey under the Law wey God give Moses, they still need to think about wetin this vex show about wetin God want.

Christian suppose draw tattoo for e body?

 The Bible verses for under go help you know the correct thing to do:

•   “Make women de wear better cloth wey de show say they no de over-do things.” (1 Timothy 2:​9, New American Bible) The thing wey this verse talk na for women and men. Make the things wey we de put for body no shock other people and make we no de try to make people notice us.

•   Some people de draw tattoo for their body to show say them dey for one group or to prove say they get right to do wetin they like with their body. But Bible tell Christians say: “Make wuna give wuna body and life to God as sacrifice wey dey holy and wey God go accept. If wuna do this one, wuna de worship God with all wuna sense.” (Romans 12:⁠1) Use “sense” check why you want draw tattoo for your body. If na because you want do wetin plenty people de do, or you want show say you dey for one group, remember say wetin you de think today fit change, but tattoo go remain for your body forever. If you check the reason why you want draw tattoo for your body, this one go help you make better decision.​—Proverbs 4:⁠7.

•   “When people work hard, their plans go surely succeed; but when people de rush anyhow, they go surely enter poverty.” (Proverbs 21:⁠5) People wey de draw tattoos for their body de always rush to make that decision, but when they don draw the tattoo, this one de affect how people de see them and de make-am hard for them to get work. No be small money to draw tattoo for body and e de really pain when them de remove-am. Research and the people wey their business na to remove tattoo talk say people wey don get tattoo for their body de always regret why they draw-am.