Yes, Devil na real person. Devil na spirit person wey sin against God and come be wicked person, na e “de control this world.” (John 14:30; Ephesians 6:11, 12) Bible explain the kind person wey Devil be with this names:

•   Satan, wey mean “to dey against.”—Job 1:6.

•   Devil, wey mean “Person wey de talk wicked lie.”—Revelation 12:9.

•   Snake, they use-am for Bible to mean “Person wey de deceive.”—2 Corinthians 11:3.

•   Person wey de tempt.—Matthew 4:3.

•   Person wey de lie.—John 8:44.

Devil no be evil thing inside us

 Some people de see Satan the Devil as evil thing wey dey inside us. But Bible talk about one time wey God de talk with Satan. God dey perfect, so e no dey possible say e de talk to one evil thing wey dey inside e body. (Deuteronomy 32:4; Job 2:1-6) Na so e still be with Jesus, Satan tempt Jesus, and Jesus no get sin for body. (Matthew 4:8-10; 1 John 3:5) So, Bible show say Devil na real person and no be evil thing inside us.

 E suppose surprise us say plenty people no believe say Devil dey real? Make we no surprise at all, because Bible talk say, Satan de deceive people to do wetin e want. (2 Thessalonians 2:9, 10) One of the biggest way wey e de use deceive plenty people na to make them believe say e no dey real.—2 Corinthians 4:4.

 The truth: The Hebrew word wey they translate for some Bibles as “Lucifer” mean “the one wey de shine.” (Isaiah 14:12) The verses wey dey around this verse show say the word “Lucifer” mean, the kings wey de rule for Babylon, and say God go shame them because them dey proud. (Isaiah 14:4, 13-20) They use this word “the one wey de shine” to laugh the kings wey de rule for Babylon after they don take over their kingdom.

 The truth: Devil na enemy of God, no be e servant. Satan the Devil de talk lie about servants of God and e dey against them.—1 Peter 5:8; Revelation 12:10.