Yes. See some better-better advice from Bible wey don help plenty men and women to get happy family:

1.   Register your marriage. When husband and wife register their marriage under law, to show say them dey ready to spend their life together, this na one of the main thing wey de make family happy.​—Matthew 19:4-6.

2.   Show love and respect. This one mean say you go de treat your husband or wife for the way you want make e treat you.​—Matthew 7:12; Ephesians 5:​25, 33.

3.   No de talk wetin go pain your husband or wife. Talk for kind way, even if your wife or husband talk or do something wey really pain you. (Ephesians 4:​31, 32) Follow this advice for Proverbs 15:1: “Answer wey dey gentle de stop vex, but word wey dey harsh de cause vex.”

4.   Dey faithful to each other. No show the love wey you suppose show your husband or wife and your feeling for sex to another person. (Matthew 5:28) Bible talk say: “Make all of una honor marriage and make the marriage bed dey pure.”​—Hebrews 13:4.

5.   Train your children with love. No fail to correct your children when them do wetin no good but no dey harsh with them.​—Proverbs 29:15; Colossians 3:21.