No, the Kingdom of God no be something wey dey inside the heart of Christians. a Bible talk where e dey. E call-am the “the kingdom of heaven.” (Matthew 4:17, King James Version) Make we see how Bible don show say na real government wey de rule from heaven.

•   The Kingdom of God get rulers, e get the people wey e de rule, e get laws, and e get the power to do wetin God want for heaven and for earth.—Matthew 6:10; Revelation 5:10.

•   The government of God, or Kingdom, go rule over all “the peoples, nations, and different-different language” for the earth. (Daniel 7:13, 14) The power to rule come from God, no be from people wey e de rule.—Psalm 2:4-6; Isaiah 9:7.

•   Jesus tell e faithful apostles say they go join-am for the Kingdom for heaven to “sitdown for thrones.”—Luke 22:28, 30.

•   The Kingdom get enemies, wey e go destroy.—Psalm 2:1, 2, 8, 9; 110:1, 2; 1 Corinthians 15:25, 26.

 Some people believe say the Kingdom of heaven dey their heart when they listen to God, but this one no be wetin Bible teach. Bible teach say the “word of the Kingdom” or the “good news of the Kingdom” fit and e suppose affect our hearts.—Matthew 13:19; 24:14.

Wetin e mean if your Bible talk say “the kingdom of God dey inside you?”

 Some people don confuse when they read from their Bible wetin dey Luke 17:21 about the Kingdom. For example, the King James Bible talk say “the kingdom of God dey inside you.” To really understand this verse well, we go need to check the verses wey dey before or after the verse.

 Na Pharisee people Jesus de talk to, and this people be leaders for religion wey dey against Jesus and wey arrange make they kill Jesus. (Matthew 12:14; Luke 17:20) E go make sense to think say the Kingdom na something wey dey for their wicked hearts? Jesus tell them say: “For inside, wuna be pretender and wuna no de follow the law.”—Matthew 23:27, 28.

 Other Bibles talk the correct thing wey Jesus mean for Luke 17:21: “The kingdom of God dey here with wuna.” (Italics ours; Contemporary English Version) “The Kingdom of God dey among wuna.” (New World Translation, footnote) The Kingdom of heaven dey “with” or “among” the Pharisees, because Jesus, the one wey God don choose to rule as King, de stand for their front.—Luke 1:32, 33.