Mary Magdalene na one faithful woman wey de follow Jesus. E fit be say Magdalene na name wey come from the town of Magdala (or Magadan), wey dey near the Sea of Galilee. And e fit still be say Mary stay for this place for some time.

 Mary Magdalene dey among many women wey travel with Jesus and im disciples and wey use the things wey them get take support them. (Luke 8:​1-3) Mary Magdalene dey there when them de kill Jesus and e dey among the first people wey see Jesus after e come back to life.​—Mark 15:40; John 20:​11-18.

•  Mary Magdalene na prostitute?

•  Mary Magdalene na “apostle to the other apostles”

•  Mary Magdalene na Jesus Christ wife?

•  How many people de bear Mary for Bible?

 Bible no talk say Mary Magdalene na prostitute. The only thing wey Bible talk, about wetin happen for im life before na say, Jesus pursue seven demons comot from im body.​—Luke 8:⁠2.

 Where the idea say Mary na prostitute come from? Many years after Mary Magdalene don die, some people start to talk say the woman wey wash Jesus leg with im tears and dry-am with im hair (wey fit be prostitute) na Mary Magdalene. (Luke 7:​36-38) But Bible no talk anything wey show say this one na true.

 No. For Catholic Church them de call Mary “St. Mary Magdalene” and them still de call-am “the apostle to the apostles” because Mary dey among the first people wey tell Jesus apostles say Jesus don come back to life. (John 20:18) But this one no make Mary apostle and e no get anywhere for Bible wey talk say Mary na apostle.​—Luke 6:​12-16.

 Them write the Bible finish near the end of the time of the apostles. But na for the sixth century na im church leaders come give Mary Magdalene this high position. For the things wey them write around 100 to 300 C.E​—wey no dey part of the Bible​—them talk say some of Jesus disciple be de jealous Mary. All this lie-lie story no dey anywhere for Bible.

 No. In fact Bible make-am clear say Jesus no ever marry. a