The answer wey Bible give na no! To suffer no be part of the things wey God want for people wey e make for the earth. But na wetin our first papa and mama, Adam and Eve, do de make us de suffer. Them turn their back against God and try to choose wetin good and wetin bad for theirself. Them leave God and them really suffer because of wetin them do.

 Today, na the problem wey come out from wetin them do we de suffer. So no be God cause-am as we de suffer.

 Bible talk say: “When anybody de face problem, make e no talk say: ‘Na God de test me.’ Because person no fit use bad things test God, and God too no de test anybody.” (James 1:13) Suffer-suffer de affect everybody​—even people wey de worship God.