No. If we compare the old-old Bibles with the Bibles wey we get today, we go see say the message never change even though say they don copy-am plenty times and for plenty years, for things wey fit spoil.

 They don see plenty-plenty old books wey they use write Bible. Wetin they write for some of this books dey different, this one mean say they make mistakes as them de copy-am. Plenty of this mistakes na small-small ones and no change the message for Bible. But they don see some big-big change for some Bibles and e show say na people plan do this one plenty years ago to change the message for Bible. Make we see two examples:

1.   For some old Bibles they translate 1 John 5:7 like this: “For heaven, the Father, the Word, and the Holy Ghost: and this three na one.” Some books wey we fit trust talk say this things wey they write for this verse no dey for the original Bible. Na later they put-am. a So, Bibles wey we fit trust for this our time don remove this words.

2.   The name of God dey thousands of times for the old-old Bibles wey they first write. Still plenty Bibles don remove the name and put titles like “Lord” or “God.”

 Today, they don see plenty old books wey they use write Bible and e don make-am easy to check whether mistake dey. b Wetin they don see to show say the Bible wey we get today correct when they compare the old Bibles with the ones wey we get now?

•   One man wey de study about Bible wey e name na William H. Green talk about the Hebrew Scriptures (wey them de call “Old Testament”) say: “We fit really talk say no other old book dey wey they don copy reach this our time and mistake no dey.”

•   One man wey de study about Bible wey e name na F. F. Bruce talk about the Christian Greek Scriptures, or “New Testament” say: “Plenty proof dey to show say the New Testament dey correct pass the proofs for the other old books wey people really trust.”

•   Sir Frederic Kenyon, wey de study about Bible, talk say: “Person fit hold Bible and use full mind talk say this one na the true Word of God as God give us from generation to generation since plenty years ago and no part de miss.”

•   Jew people and Christians wey copy the old Bible no hide the serious mistakes wey servants of God make. c (Numbers 20:12; 2 Samuel 11:2-4; Galatians 2:11-14) They still copy the part of the Bible wey talk against the Jew people as they no obey God and show the kind things wey people de teach wey no be God tell them. (Hosea 4:2; Malachi 2:8, 9; Matthew 23:8, 9; 1 John 5:21) As they copy the correct thing, this one show say they trust and respect the Word of God.

•   E no make sense say as na God talk make they write Bible, God go make sure say the message inside dey correct? d (Isaiah 40:8; 1 Peter 1:24, 25) God give Bible so that people for Bible time go benefit and we today go still benefit. (1 Corinthians 10:11) The truth na say, “all the things wey they write before our time na to teach us, so that as we de endure and de get comfort from Scriptures, we fit get hope.”—Romans 15:4.

•   Jesus and e disciples quote from Hebrew Scriptures wey they don copy and they no doubt say wetin them de quote dey correct.—Luke 4:16-21; Acts 17:1-3.