The Things Wey Bible Talk About the Messiah De Really Prove Say Jesus Na the Messiah?
The answer wey Bible give
Yes. The things wey Bible talk about “Messiah the Leader,” and the “Person wey go save the world” happen for the life of Jesus when e dey this earth. (Daniel 9:25; 1 John 4:14) Some of this things even happen after Jesus don die.—Psalm 110:1; Acts 2:34-36.
Wetin “Messiah” mean?
The Hebrew word Ma·shiʹach (Messiah) and the same word for Greek Khri·stos (Christ) mean “Person Wey They Anoint.” So, “Jesus Christ” mean “Jesus Wey They Anoint,” or “Jesus the Messiah.”
For Bible time, when they choose person to do special work, they go pour oil for e head to anoint the person. (Leviticus 8:12; 1 Samuel 16:13) God choose Jesus to be Messiah and this one na big position. (Acts 2:36) But, God no use oil anoint Jesus instead e use holy spirit.—Matthew 3:16.
The things wey Bible talk about the Messiah fit happen for the life of more than one person?
No. Just as two people no fit get one fingerprint, the way the things wey Bible talk happen de show say na only one Messiah or Christ dey. But, Bible don warn us say, “lie-lie Christs and lie-lie prophets go come, and they go do big-big things and wonderful things to deceive people, even the people wey they don choose.”—Matthew 24:24.
Another Messiah fit come for future?
No. Bible don talk say the Messiah go come from the family of King David of Israel. (Psalm 89:3, 4) But the book wey Jew people de write record of people wey don live before for the time David don lost, e fit be say Rome people destroy-am when they win Jerusalem for 70 C.E. a Since that time, e no dey possible for anybody to prove say e come from the family of David. But when Jesus dey this earth, this records still dey, so even e enemies no fit talk say e no come from the family of David.—Matthew 22:41-46.
How many things Bible talk say go happen for the life of the Messiah?
E no dey possible to know the exact number of things wey Bible talk say go happen for the life of the Messiah. For example, the way person fit count the number of things wey Bible talk say go happen for future for the life of the Messiah, even for one chapter fit dey different. Isaiah 53:2-7 mention plenty different things wey go happen for the life of the Messiah. Some people fit talk say Isaiah de explain just one thing here about the Messiah, but other people fit talk say na different-different things Isaiah de talk about.
Some things wey Bible talk about the Messiah wey Jesus do
Wetin Bible talk |
Where e dey for Bible |
How e happen |
|---|---|---|
E go come from the family of Abraham |
Genesis 22:17, 18 |
|
E go come from the family of Isaac, the son of Abraham |
Genesis 17:19 |
|
E go come from the tribe of Judah for Israel |
Genesis 49:10 |
|
E go come from the family of King David |
Isaiah 9:7 |
|
Na woman wey never know man before go born-am |
Isaiah 7:14 |
|
They go born-am for Bethlehem |
Micah 5:2 |
|
E name go be Immanuel b |
Isaiah 7:14 |
|
E come from poor family |
Isaiah 53:2 |
|
After they born Jesus, they kill small-small children |
Jeremiah 31:15 |
|
They call-am make e comot from Egypt |
Hosea 11:1 |
|
They call-am Nazarene c |
Isaiah 11:1 |
|
Messenger go come before e go come |
Malachi 3:1 |
|
God anoint-am as Messiah for 29 C.E. d |
Daniel 9:25 |
|
God talk-am clear say na e Son |
Psalm 2:7 |
|
E ready to protect the house of God |
Psalm 69:9 |
|
E preach the good news |
Isaiah 61:1 |
|
E bring light to Galilee with the preaching work wey e do for there |
Isaiah 9:1, 2 |
|
E do miracle like Moses |
Deuteronomy 18:15 |
|
Like Moses, e tell people wetin God get for mind |
Deuteronomy 18:18, 19 |
|
E cure plenty people wey de sick |
Isaiah 53:4 |
|
E no do things to make people know say e dey important |
Isaiah 42:2 |
|
E show pity for people wey de suffer |
Isaiah 42:3 |
|
E show say God de do things for the correct way |
Isaiah 42:1, 4 |
|
Na Wonderful Counselor |
Isaiah 9:6, 7 |
|
E talk about the name of Jehovah |
Psalm 22:22 |
|
E use examples when e de teach |
Psalm 78:2 |
|
Na Leader |
Daniel 9:25 |
|
Plenty people no believe-am |
Isaiah 53:1 |
|
Stone wey they reject |
Isaiah 8:14, 15 |
|
People reject-am |
Psalm 118:22, 23 |
|
People hate-am for nothing |
Psalm 69:4 |
|
E enter Jerusalem for special way ontop donkey |
Zechariah 9:9 |
|
Children praise-am |
Psalm 8:2 |
|
E come with the name of Jehovah |
Psalm 118:26 |
|
E close friend sell-am |
Psalm 41:9 |
|
They sell-am for 30 pieces of silver e |
Zechariah 11:12, 13 |
|
E friends leave-am run |
Zechariah 13:7 |
|
People come talk lie against-am |
Psalm 35:11 |
|
E keep quiet when them de talk against-am |
Isaiah 53:7 |
|
They spit for e face |
Isaiah 50:6 |
|
They nack e head |
Micah 5:1 |
|
They beat-am |
Isaiah 50:6 |
|
E no fight back when them de beat-am |
Isaiah 50:6 |
|
Leaders for government plan against-am |
Psalm 2:2 |
|
They nail e hand and leg for stake |
Psalm 22:16 |
|
They play gamble to know who go take e cloth |
Psalm 22:18 |
|
They count-am join people wey de sin |
Isaiah 53:12 |
|
They talk wetin pain-am and curse-am |
Psalm 22:7, 8 |
|
E suffer for people wey de sin |
Isaiah 53:5, 6 |
|
E be like say God don leave-am |
Psalm 22:1 |
|
They give-am vinegar and bitter thing to drink |
Psalm 69:21 |
|
Water hungry-am before e die |
Psalm 22:15 |
|
E give e spirit to God |
Psalm 31:5 |
|
E die |
Isaiah 53:12 |
|
E give e life to remove sin |
Isaiah 53:12 |
|
They no break e bone |
Psalm 34:20 |
|
They chuk-am |
Zechariah 12:10 |
|
They bury-am with rich people |
Isaiah 53:9 |
|
God bring-am back to life |
Psalm 16:10 |
|
They replace the person wey sell-am |
Psalm 109:8 |
|
E sit-down for the right hand side of God |
Psalm 110:1 |
a McClintock and Strong’s Cyclopedia talk say: “We no get doubt say they destroy the books wey them de use record the family of Jew people and their tribe when them de destroy Jerusalem.”
b The Hebrew name Immanuel, wey mean “God Dey With Us,” really fit the position wey Jesus get as the Messiah. As e come this earth and the things wey e do really show say God dey with e servants.—Luke 2:27-32; 7:12-16.
c The word “Nazarene” fit come from the Hebrew word neʹtser, wey mean “to grow.”
d If you want know wetin Bible talk about 29 C.E. as the year wey Messiah go come, check the article “How Daniel’s Prophecy Foretells the Messiah’s Arrival.”
e Na the book of Zechariah talk this one, but the book of Matthew talk say they talk-am “through prophet Jeremiah.” (Matthew 27:9) E fit be say they put the book of Jeremiah first for the part of the scriptures wey them de call “the Prophets.” (Luke 24:44) E fit be say Matthew use “Jeremiah” when e de talk about all the books for that part, and the book of Zechariah na part of this books
