Na 66 holy books dey for Bible. They use about 1,600 years write the Bible. Bible no be message from man, but na “the word of God.”​—1 Thessalonians 2:⁠13.

For this article

•  The truth about the Bible

•  Wetin Bible de talk about?

•  They don change the message for Bible?

•  Why Bible get plenty different translations?

•  Na who choose wetin go dey inside Bible?

•  Some books of the Bible dey wey don lost?

•  How you fit find Bible verses

•  The list of books inside Bible

•   Na who write the Bible? Na God get the Bible, but e use about 40 different men to write-am. Some of this people na Moses, King David, Matthew, Mark, Luke, and John. a God put wetin e want talk for the mind of this men make they fit write-am down.​—2 Timothy 3:⁠16.

   For example: If businessman tell e secretary say make e help-am write letter and e even tell-am say e fit explain more things, na the businessman still get the letter no be the secretary. For the same way, even though say na men God use write wetin e want talk, na e still be the real owner of the Bible.

•   Wetin be the meaning of the word “Bible”? “Bible” come from the Greek word biblia, wey mean “small books.” After some time, biblia come be the name of the small-small books wey they join together to form Bible.

•   Which time they write Bible? They start to write Bible for 1513 B.C.E. and they write-am finish for around 98 C.E. after more than 1,600 years.

•   Where the original Bible wey they first write dey? Nobody today don see the original Bible wey they first write that time. This one na because na things wey fit spoil they use write Bible that time, like papyrus and parchment. But some experts wey de copy Bible really copy-am well for plenty years so that people fit read-am for future.

•   Wetin be “Old Testament” and “New Testament”? The part of the Bible wey people de call Old Testament na the part wey they write for Hebrew language, b they still de call this part Hebrew Scriptures. Wetin people de call New Testament na the part wey they write for Greek language, they still de call this part the Christian Greek Scriptures. The Hebrew Scriptures and the Greek Scriptures join together to form one book wey them de call Bible. c

•   Wetin dey inside Bible? The different parts of the Bible talk about history, law, prophecy, poem, proverbs, songs, and letters.​—Check “ The list of books inside Bible.”

 Bible start with short story about how God make heaven and earth. Na Bible God use tell us e name, Jehovah, and say e want make we be e friend.​—Psalm 83:⁠18.

 Bible teach say they don talk lie about God, and e still talk how they go clear e name.

 Bible help us know wetin God get for mind for this earth and for people. E still tell us how God go comot the things wey de make us suffer for future.

 Bible get better advice wey we fit follow everyday. Some examples of this advice na:

•   How you fit keep good friends. “All things wey wuna want make people do to wuna, wuna must do-am to them too.”​—Matthew 7:⁠12.

   Wetin e mean: Make we treat other people the way we want make they treat us.

•   How to cope with stress. “Make wuna no de worry about tomorrow, because tomorrow get e own trouble.”​—Matthew 6:⁠34.

   Wetin e mean: Make we manage the problems wey we de face now, instead make we de worry about the one wey fit happen for future.

•   How you fit enjoy your marriage. “Every man must love e wife as e love e self. And make the wife get deep respect for e husband.”​—Ephesians 5:⁠33.

   Wetin e mean: For marriage to work, love and respect dey important.

 No. People wey de study Bible don check the old copies of Bible with the Bible wey them de use today and they see say the original message for Bible never change. This one make sense because, if God really want make we read and understand e word, e no go protect-am and make sure say e message no change? d​—Isaiah 40:⁠8.

 People wey de read Bible now no go fit understand the old language wey they use write Bible. Even with that one, Bible get “good news” for “every country, and tribe and language.” (Revelation 14:​6, footnote) Because of that one, people need to read Bible for language wey they fit understand so that they fit read and really understand the word of God.

 Na three types of Bible translations dey:

•   The one wey they translate word-for-word.

•   The one wey they translate the meaning of wetin the original language de talk.

•   The one wey they translate like story so that people fit enjoy-am when them de read-am. But because they don change the words as them de translate-am to make-am sweet, the real meaning of wetin the verse de talk fit change.

 Better Bible translation na the one wey they translate exactly as e dey, for way wey people go understand and wey the message no go change. e

 Because na God get Bible, na e choose wetin they go write inside Bible. E first choose Israel people and “na for their hand they put the holy message them wey come from God,” na them help to keep the Hebrew Scriptures.​—Romans 3:⁠2.

 No. Bible complete; no book don “lost” for Bible. Some people de talk say e get some old books wey they don keep wey suppose be part of Bible. f But wetin dey for Bible de show say nothing don lost for Bible. (2 Timothy 1:13) Wetin dey the books of the Bible agree with each other. Some books wey some people de talk say suppose be part of Bible no agree with wetin dey for the other books for Bible. g