Wetin God Kingdom Go Do?
The answer from Bible
God Kingdom go remove and replace all human being government and e go rule the whole earth. (Daniel 2:44; Revelation 16:14) When that one don happen, God Kingdom go . . .
Remove all wicked people wey de make life hard for people because of their long throat. “Them go cut [the wicked] comot from the earth.”—Proverbs 2:22.
End war. “[God] de end all war for the whole earth.”—Psalm 46:9.
Make people get better life and comot fear from this earth. “Everybody go live in peace for where their vineyard and fig tree dey, and nobody go make them fear.”—Micah 4:4, Good News Translation.
Make the earth Paradise. “Dry deserts go happy; land wey no de produce anything go celebrate, and fine-fine flower go grow for there.”—Isaiah 35:1, Contemporary English Version.
Give everybody better work wey them go like and enjoy. “The people wey [God] choose as [im] own go really enjoy the work wey them use their hand do. Them no go work for nothing.”—Isaiah 65:21-23.
Comot all sickness. “Nobody for there go talk say: ‘I de sick.’”—Isaiah 33:24.
Make us no de grow old again. “Make im body fresh pass when e dey young. Make e go back to the time when e dey young and get power.”—Job 33:25.
Bring people wey don die back to life. “All the people wey dey inside grave go hear im voice and come out.”—John 5:28, 29.