God want make you know-am, near-am, and then love and serve-am with all your heart. (Matthew 22:37, 38; James 4:8) You fit learn how to do wetin God want if you study the way Jesus live im life and the things wey e teach. (John 7:16, 17) Jesus no only talk about the things wey God want, e do this things. In fact, Jesus talk say wetin e want use im life do na “to do wetin [God] want.”—John 6:38.

I need special sign, vision or calling from God to fit know wetin God want make I do with my life?

 No. Because God don tell us the things wey e want us to do for Bible. Bible get “everything wey [person] need to do every good work.” (2 Timothy 3:16, 17) God want make you use Bible and the sense wey e don give you to learn wetin e want.—Romans 12:1, 2; Ephesians 5:17.

I go fit really do wetin God want?

 Yes, you go fit because Bible talk say: “The things wey God command us no too hard.” (1 John 5:3 Easy-to-Read Version) This one no mean say e go always dey easy for us to obey the commandments of God. But, wetin we go gain go better pass anything wey we do to fit obey. Jesus even talk say: “People wey de hear the word of God and de obey-am go happy!”—Luke 11:28, Good News Translation.