No. Bible talk-am clear say God make people and the different-different “kinds” of animals and plants. a (Genesis 1:12, 21, 25, 27; Revelation 4:11) Bible talk say everybody for this earth come from Adam and Eve, our first papa and mama. (Genesis 3:20; 4:1) Bible no support the teaching say God make just one cell and the cell change to different-different other kinds of life. But Bible agree with wetin science people talk say each kind of life get different-different type of life.

•  Wetin some people believe?

•  The teaching say no be God make things agree with the Bible?

•  Say plants and animals fit change and adjust to the things around them so that they fit survive, mean say things just appear like that?

 Even as some people believe say God make just one cell and the cell change to other things, they still get different ideas about how God do this one. From wetin the book Encyclopædia Britannica talk, this belief de make people think say “na God do-am make plants and animals fit change and adjust to things around them so that they go survive and form other plants and animals.”

 The belief say God make just one cell and the cell change to other things still get the idea say:

•   Plenty-plenty years ago, all the plants and animals start from one thing wey get life.

•   One kind of life fit change finish to another kind of life.

•   Na God de control how all this things de change.

 The belief say God make just one cell and the cell change to other things de make people think say wetin Bible talk for the book of Genesis no correct. But Jesus talk say the things wey the book of Genesis talk na true. (Genesis 1:26, 27; 2:18-24; Matthew 19:4-6) Bible say before Jesus come this earth, e live with God for heaven and e help God make everything. (John 1:3) So the belief say God make just one cell and the cell change to other things no agree with wetin Bible de teach.

 Bible no explain how many types of life dey under each kind of life. Bible no argue say the different kinds of animals and plants wey God make fit look different as them de born and adjust to things around them. As this things look different and de adjust, some people de think say na so things just appear, but the truth na say no be new kind of life form.