Engineers wey their work na to make robot, don de make machine wey doctors fit use do operation for inside the body of person, even when they cut just small hole for the body. Engineers get this idea from the way the hand of octopus de work. The hand of octopus dey very soft and e fit de bend like rope.

 Think-am: Octopus fit hold and squeeze things with the eight hands wey e get. This soft hands fit de bend pass enter even very small hole. No be only say octopus fit de bend e hand for any direction, but e fit still de make-am dey hard as e want.

 For the same way, science people believe say they fit make machine wey soft and wey de fit de bend like rope. And they say this one go really dey important to fit do operation even if na small hole they cut for the body wey they want operate. This kind machine go make-am dey possible to fit do operation for people wey their operation na really serious one.

 See the way the soft hand wey octopus get de work

 Science people don make machine like this kind hand wey octopus get and they don de test-am for inside computer to see how e de work. The hand wey they make long reach 135-millimeter (5 in.) and one part for the hand fit carry organs inside body and e fit hold them, and e no go cause any damage for this organs. And then, another part for the hand go de do the operation. The name of one member for the team wey do this machine na Dr. Tommaso Ranzani. E talk say this new method for operation go de better as time de go, and e go fit de do other better things.

 Wetin you think? The hand wey octopus get just appear by e self? Or they make-am?