Just as we need to de maintain the things wey we get like house or car, na so we still need to de maintain our friendship with God. How you fit maintain that friendship after you don baptize?

For this article

•  Continue to de study God Word

•  Continue to de pray to Jehovah

•  Continue to de tell other people about the things wey you believe

•  Continue to de go meeting

 Bible verse: “[Make] una continue to produce fruit for every good work and de know more about the correct teaching from God.”—Colossians 1:10.

 Wetin e mean: After you don baptize, you go need to continue to de read Bible and de think deep about wetin you learn.—Psalm 25:4; 119:97.

 Wetin you fit expect: Sometimes, e no go hungry you to study. You fit dey think say you no be the type wey de like to study.

 Wetin you fit do: Try learn about Bible topics wey you really like. Try get your own program of how you go de do your study—the one wey no go too hard for you to follow. Wetin you want na make your love for Jehovah and e Word de grow. You go enjoy that kind study and you go really gain from-am.—Psalm 16:11.

 See wetin you fit do: To fit really gain from your study, try do-am for place wey dey quiet and wey nothing fit disturb you.

 You need more help?

•   Read:

   “How Bible Fit Help Me?—Part 2: Make Your Bible Reading Sweet”

   “How Can I Learn to Focus?”

•   Watch:

   Wetin Other Young People De Talk—Bible Reading

•   Download:

   “Bible-Reading Plans”

 Bible verse: “Make una no de over worry unaself about anything, but for everything, make una de pray and de really beg God for help and still de thank-am. Make una de tell God the things wey de worry una.”—Philippians 4:6.

 Wetin e mean: We fit talk to God and still listen to-am. We de listen to God when we read e Word and we de talk to-am when we de pray. Know say when you de pray, you fit beg God for the things wey you need and thank-am for the things wey e don use bless you.

 Wetin you fit expect: Sometimes, your prayer fit be like say e no de get meaning again or e fit be like say you dey talk the same thing every time. This kind thing fit make you start to wonder whether Jehovah really de listen to your prayer.—Psalm 10:1.

 Wetin you fit do: De take time think about things wey you fit pray about. If e no dey possible for you to spend long time for prayer because of your time or where you dey, decide say you go pray about the matter later. Pray for the things wey you need and still pray for other people.—Philippians 2:4

 See wetin you fit do: if your prayer be like say e no de get meaning again or you dey talk the same thing every time, pray to Jehovah about-am. E want hear everything wey de worry you for mind, even the ones wey concern your prayer.—1 John 5:14.

 You need more help?

•   Read:

   “Why I Need to Pray?”

•   Download:

   “How to Improve Your Prayers”

 Bible verse: “Continue to check yourself and the way you de teach. . . . As you de do them, you go save yourself and people wey listen to you.”—1 Timothy 4:16.

 Wetin e mean: If you de tell other people about the things wey you believe, e go de make your faith strong more-more. This one go help you fit save your own life and the life of the people wey listen to you.

 Wetin you fit expect: Sometimes, e fit no hungry you to talk about the things wey you believe. You fit even de fear to talk about-am, especially for school.

 Wetin you fit do: Decide say you no go let things like fear control the things wey you de do. Apostle Paul write say: “But even if I [de preach the good news and] I no do-am from my heart, I still get the work wey God don put for my hand to care for.”—1 Corinthians 9:16, 17.

 See wetin you fit do: If your papa and mama agree, find person wey you fit learn from, wey go be good example to you. Make the person be Jehovah Witness wey de put body for preaching.—Proverbs 27:17.

 You need more help?

•   Read:

   “Why Am I Afraid to Share My Faith?”

 Bible verse: “And make we de really think about one another, so that we go fit encourage one another to show love and do fine work. And make we no de stop to meet together.”—Hebrews 10:24, 25.

 Wetin e mean: The main reason why we de go meeting na to worship Jehovah. But e still get two better things wey we de gain when we go meeting. Number one, you de get encouragement from your brothers and sisters. Number two, you de encourage them when you go meeting and when you de make comment.—Romans 1:11, 12.

 Wetin you fit expect: Sometimes when you dey meeting, your mind fit comot from wetin them de talk and you go come de think about other things. This one fit make you no gain from the better things wey them de teach. Or you fit no come de go meeting every time again, or you fit allow other things like schoolwork collect the time wey you suppose use go meeting.

 Wetin you fit do: Na true say you no need to stop your schoolwork, but e still good to make up your mind say you go de go meeting every time and say you go learn plenty things as you fit for the meeting. Try to de raise your hand up so that you go fit comment for meeting. When meeting close, tell other people say you enjoy their comment.

 See wetin you fit do: De prepare before you go meeting. Download the JW Library® app, and press the place wey them write “Meetings” so that you fit see the things wey them go talk about for meeting.

 You need more help?

•   Read:

   “Why Go to Christian Meetings?”