Two times every week, Jehovah Witness people de do their meetings for place wey them de call Kingdom Halls. Wetin de happen for Kingdom Hall, and how you fit gain when you go there?

•  Wetin de happen for Kingdom Halll?

•  Why e good make you go meeting?

•  Wetin your friends de talk

 Kingdom Hall na place wey we de go learn better things for Bible. The meetings wey we de do for Kingdom Hall fit help you:

•   learn the truth about God.

•   understand the reason why some things de happen today.

•   be better person.

•    get better friends.

 You know? Them de call the place wey Jehovah Witness people de do meeting Kingdom Hall, because them de always talk about the Kingdom of God for there.​—Matthew 6:​9, 10; 24:14; Luke 4:​43.

 The things wey you go learn for there go help you. The advice wey we de get from Bible for the meetings wey Jehovah Witness people de do go help you “get better sense.” (Proverbs 4:5) That one mean say Bible fit help you make good decisions for life. E fit still help you answer important questions about life, like:

•   Why we dey this earth?

•   Na God de make us suffer?

•   Wetin de happen to us when we die?

 See some titles of the talk wey we de give for our meetings wey we de do for weekend:

•   Why E Good Make We Allow Bible Guide Us?

•   Where You Fit Get Help When Problem Dey?

•   Wetin the Kingdom of God De Do for Us Now?

 “My classmate come our meetings. E sitdown with our family, and we share our books wey we de study with that my classmate. After the meeting, e tell me say e really like the comments wey people give for the parts wey people de raise hand give answer. E still talk say for their church, they no get book wey them de use study Bible like us.”​—Brenda.

 You know? You no go pay to enter Kingdom Hall, and they no de collect offering.

 The people for Kingdom Hall go encourage you. Bible talk say one reason why Christians de meet together na to “encourage” one another. (Hebrews 10:24, 25) To make friends with people wey put God first and de care for other people pass theirself, for this world wey people de think of only theirself de make person happy.

 “After I come back from school, I fit de feel sad and I fit done tire, but people for Kingdom Hall de always make me happy. When I de come back from meeting, I de feel happy and I dey ready to face another day.”​—Elisa.

 You know? For the whole world, Jehovah Witness dey for more than 120,000 congregations and them de do their meetings for more than 60,000 places. Since people wey de come Kingdom Hall de add every year, them de build about 1,500 Kingdom Halls every year so that people go get where they go sitdown. a