“When I dey 15 years the rules wey my papa and mama give me dey okay that time. But now wey I don dey 19 years, I feel say I suppose get more freedom.”​—Sylvia.

 You de feel the way Sylvia de feel? If na so, this article go help you discuss the problem with your papa and mama.

•  Wetin you suppose know

•  Wetin you fit do

•  Wetin other young people de talk

 Before you talk to your papa and mama about their rules, think about this things:

•  If rules no dey for this life, many things for no de work well. Just think about highway wey plenty motor de pass. What if road signs no dey, things like stop signs, speed limit, or traffic light? Just as rules for road de make things go well for road, na so the rules for house de help make things go well for family.

•  When your papa and mama give you rules, this one show say they love you. If they no give you any rule that one mean say they no care about you, and anything wey happen to you no concern them. Nobody go like get that kind papa and mama, no be so?

 YOU KNOW? Papa and mama get their own rules too! If you think say this one na lie, make you read Genesis 2:​24; Deuteronomy 6:​6, 7; Ephesians 6:4; and 1 Timothy 5:8.

 Even after you don agree say rules dey important, what if you still think say the rules wey your papa and mama de give you no dey right?

 Think about this things first before you talk to them about-am. You de obey the rules wey your papa and mama de give you before? If you no de obey before, this one mean say now no be the correct time to talk to them about more freedom. Instead, make you read this article wey the title na, “How Can I Gain My Parents’ Trust?”

 But if you de obey the rules wey your papa and mama de give you before, then prepare wetin you go like discuss with them. Those things wey you don think about for your mind say you go discuss with your papa and mama, write them down. This one go help you know whether the things wey you think make sense or they no make sense. Another thing wey you go do na to ask your papa and mama to choose time and place wey wuna go fit relax and talk well. Then, when you meet them, remember this things:

 Talk with respect. Bible talk say harsh word de make person “vex.” (Proverbs 15:1) So always remember say: If you argue with your papa and mama or accuse them say wetin them de do no dey right, the talk no go end well at all.

 “The more I de respect my papa and mama, the more them de show say they respect me too. E dey easy for wuna to agree for something when you and your papa and mama understand and respect wunaself.”​—Bianca, 19.

 Listen. Bible tell us say make we ‘dey ready to listen more, and make we no de talk quick.’ (James 1:​19) Remember say na discuss wuna de discuss, no be talk you de give.

 “As we de grow, we fit de feel say we don sabi something pass our papa and mama, but this one na big lie. E dey important make we listen to their advice.”​—Devan, 20.

 Try to feel the way them de feel. Make you try to see the matter the way your papa and mama de see-am. Follow the advice wey Bible give when e say, “no just de look for wetin go benefit only [you], but wetin go benefit other people.” And for this case, see the other people wey this verse talk about as your papa and mama.​—Philippians 2:4.

 “Before-before, I de think say my papa and mama hate me and say they no de support me. But now, I come know say that time them de learn to be better papa and mama for me just the way me too de learn to be better person when I grow.”​—Joshua, 21.

 Give some idea. If for example, you want attend one party and e go take you one hour to drive reach there, and your papa and mama say make you no go. Find out from them whether na the driving be the problem, or na the party.

•   If na the driving be the problem, they go fit gree make you join another person wey really sabi drive?

•   If na the party be the problem, their mind go fit come down when you tell them the people wey go come the party, and who go dey in-charge of the party?

 Remember say you go show them respect as you de talk, and sofri listen as them de talk. Show say you “respect your papa and mama” both for the things wey you de talk and the way you de talk-am. (Ephesians 6:​2, 3) They go change their mind? They fit change-am. And they fit no change-am. No matter the one wey they do, you need to do wetin we want talk about.

 With respect, accept wetin your papa and mama decide. This one really dey important. But many times, people no de see-am as important. If you start to argue with your papa and mama because you no get wetin you want, you go only make-am hard for yourself next time wey you go discuss any other thing with them. But, if you sofri accept wetin they tell you, they fit give you more freedom.