Yu kawei Jova kapil meim Got bol wonom e, olom pemili kapil moram ne pisem. (1Timoti 1:11) Yeamb bolsim mambnem e, Got olom mem. Pemili ka moram ne pinjip dal, wal kerma paim e, yeamb mambnem dulto karkar ere bol sinam, embe enjip dal ye na ambngal ka moram. Kristen yeamb ende bol sinam ne pinjip dal, gara mambnem paim mal karkar ere, ala gapman lo paim mal karkar ere molmene keram.​—Luk 2:1, 4, 5 gerdel.

Yeamb bolsim mambnem e Got nalne pisem? Got ka pisim e, yeamb bolsim mem dongal pande anjanj morabel ne pisem. Jova ka pisem e, bolsim yeamb ende ermolo ende kin ka mora ne pisem. (Hibru 13:4) Yeamb bolsim mem kelip tom, Jova ka wei napisem. (Malaki 2:16) Kristen ye mo amb ende pasdia erim dal, bolsim mem kelipto ala yeamb kolnga kin, bolsinam Jova kaple padom.​—Matyu 19:3-6, 9 gerdel.

Jova yeamb er siding kem kele, enjel tapro kongan ding enambel pane erim. (Stat 2:18) Ye pemili pengem enem pile, ambngal nomolpa enam bar tambem enda wal kantawol ere, ala wal kerma ende paim, ambngal pilgi wal kantawol enda eri. Ye olom kapile wal ende enal nepisa wal sikele, molmene wei kele ambiyem kankawei kanja. Anda ambiyem ende ende kin kakane molmene kerambel. Nalerim enjel aima sin nganja paim, embe pile wal kerma paim e, ende ermolo ende alla waktom kin bolsibel mem dongal pande ka morabel.​—Efesus 4:31, 32; 5:22-25, 33; 1 Pita 3:7 gerdel.

Ombun ende morambel bar min wom dal, ombul wei ere kanka mambnem ende ende kin enambel. (1 Korin 13:4, 5) Baibel yu ende ne bolsimbel bar kunum kunum ombun pam dal, se jeljel pu ombun erkun enambel panadom.​—1 Korin 7:10-13 gerdel.

Jova nim ka morol ne pisem. Nim ngang ambel gal mein kunum, nal mal kawei morol mal Jova yu kindnem ka nengonom. Olom kapisem e nim danem manem bol bunuman kasi, ala enjel nalmal ere ka monjil mal yu ninabel pile karkar endel. (Kolosi 3:20) Wal ende paim e, Jova kapisim nim olom wal poro Ersem ye na Ngangem kin konganjel ere wopil morol.​—Eklisiastis 11:9-12:1; Matyu 19:13-15; 21:15, 16 gerdel.

Enem kongan ombul ere ngaljep man mokun, gar na konkongol ngo kantawol enam. (1 Timoti 5:8) Ba Nim ngalnem man wopil moram nepin dal, nim Got yuwom mane duwom erngoi, Got kanka kane, olom yuwom karkar enam. (Efesus 6:4) Nim nenem Got kankawei kandal, e erkelnde nim ngalnem man nim mambnem enen mal karkar ere kumbol wei ngo Got kanka kanam eri. Nim Got Yuwom mem pande ngalnem man duwom erngon dal, ngal bunuman dulto sinam.​—Lo 6:4-7; Provep 22:6 gerdel.

Ngal mambnem ka ende enam bar, nim ka enen pane ngondal, e enjep pakero dongal ngonda. Ba ngal mambnem kes enam bar kangip ngo, ala embe naeiya nindel. Ngal kangip ka embe ngon dal, e gul erkelnde tonda panda wal kane oksi ka moram. (Sindaun 22:15) Nim ngal kangip ngondol kunum, kumbol mul si kalam kele yu nanindel.​—Kolosi 3:21 gerdel.

Jova Witnis ga buk pende bol kenjip meim e, ngal danjep manjep na ngaljep man pake nalmal tonda mal bol kenjip meim. Ala buk porpor e, Baibel yuwom si bol kenjip meim.​—Song 19:7, 11 gerdel.