1. Pilgi wal er wose dongal pu Kristen ka ende moramen ne pinjin dal, kenem nal enamen?

 NGAL ENDE olom wal ende nanem, ba kamkam yawo dongal ere yeamb wei meim kenem kane malmal esmen. Kenem pilkane esmen ngal e, kamkam wei yawum paim. Ba kenem pilgi wal er wose dongal pu, Jises mambnem karkar ere Kristen ka ende moramen ne pinjin dal, wal pende enamen. b (1 Kor. 13:11; Hib. 6:1) Wal ende enamen, kenem kenem Johova bol senomon mambnem er dongal enamen. Olom murmulom dongal kenem pakerondo, kapisem mambnem erpe olom kapisa. Embe enamen pakero kelde mibulto, nal kongan ende enamen bar ernombro moramen.—Prov. 1:5.

2. Stat 1:27 yu paim bar, kenem nawal ende duwom esmen, ala yipe yu duwom enamen bar nawal pende omukro kanamen?

² Johova kenem alamb ersem, ye na amb ai moramen ne erim. (Stat 1:27 gere.) Kenem pilkane esmen ye na amb dongal ding mal napaim, ala wusngam pende wal pende ding mal nasbel eri. Ende embe mal, Johova ye na amb ersem kongan jeljel enambel ne erim, embe pile enjel Johova mambnem aiyem porpor karkar ere, sape olom bol wonom si ngom kongan er kaple enambel. (Stt. 2:18) Yu duwom pi enamen bar, ambajen ambel gal walem nalmal pilgi wal er wose dongal pu, Kristen ka ende moram mal omukro kanamen. Ala yu duwom mibulto enamen bar, angjen ngang barel walem wal pende enam mal yubol to kanamen eri.

3-4. Ambajen ambel gal walem, mambnem ka naje bar kansi karkar enam? (Piksa pra kane.)

³ Baibel a ambajen man puli Johova kanka kane, konganem enjip mal yubol meim. (Jw.org a pu yu ende kangem “Women in  the Bible—What Can We Learn From Them?” pane paim kanjel.) Enjep, kenem yipe yu duwom enamen Baibel yu kerma sinjip dom mambnem karkar enjip. E embe, “Ambra komb alamb enjep pilgnonam mambnem enam . . . wal panda mal enam, wal enam bar pilgi taninam.” Ala wusngam ende, enjep kongrikeisen aijep a ambra komb Johova kanka kane, pilgi a dongal meim mambnem aijep karkar enam.

⁴ Ambel gal walem, Kristen ambajen man pilgi a dongal meim ga, mambnem ka pende enem karkar enam mal tanijip kanjip mo? Enjep mambnem ka pende karkar esim mane omukro kanjel. Ala nem nalmal karkar endel buro pisel eri. Paragrap menro pende omuk tonamen bar, mambnem kerma talende pilgi a dongal meim ambra karkar enam mal omukro kanamen.

5. Kristen ambajen man pilgi a dongal meim, nalende molmene mem karkar enam wal kerma paim?

⁵ Kristen ka ende moramen ne pinjin dal, Jises mambnem karkar ere molmene keramen. Ambajen ende molmene mem sem dal, Johova na ga pende bol senonom mem wose dongal punda. (Jems 4:6) Amb ende molmene kele Johova kanka kanim dal, Danjen min epen meim kongan pengem enam ga yu ninam karkar enam pandom bar molmene kele, karkar enda. (1 Kor. 11:3) E, kongrikeisen na pemili tuwalto. c

6. Rebeka molmene mem karkar erim bar, ambajen ambel gal walem nawal duwom esim?

⁶ Rebeka molmene mambnem karkar erim omukro kandpe. Olom sape pange nomolpa erim bar, yu ne wal erim bunuman ka karkar erim. (Stt. 24:58; 27:​5-17) Ba kunum kunum olom molmene kele yu karkar erim. (Stt. 24:​17, 18, 65) Nim Rebeka erim mal, molmene kele Johova kongan ngom ga yu ninam karkar erin dal, nim kongrikeisen ainem tuwalto na pemili a, mambnem ka karkar enam mal ta kawei don.

7. Ambajen ambel gal walem Esta molmene mem tanim, nalmal karkar enam?

⁷ Molmene mem e mambnem kawei ende, Kristen porpor karkar enam. Baibel embe dom, “molmene kesim ga bunuman ka enjep bol seim.” (Prov. 11:2) Esta molmene mem karkar ere  Got bol kawei mom. Olom kuin mom pakam molmene mem anjngo karkar erim, molmin kesim mem nasim. Olom bepam Modokaia pende tuwa sem, ba pilsinda yu nim pilsi karkar erim. (Est. 2:​10, 20, 22) Embe ding mal, ende nim pilsindel yu ka nengonam pilsi molmene ken dal, Esta mambnem ka erim nim karkar enen.—Tai. 2:​3-5.

8. 1 Timoti 2:​9, 10, yu paim, ambajen ambel gal walem nalmal pakerondo konkongol kele nganj erkun enam bar, bunuman kasi molmene mem karkar enam?

⁸ Esta molmene mem wusngam ende tanim eri. Alamb kanjip olom “nganj ka pange amb kawei mom,” embe mom pa alamb olom kanam ne narim. (Est. 2:​7, 15) Olom mambnem embe erim Kristen ambra komb, nalmal pakeronda? Wusngam ende pakeronda mal 1 Timoti 2:​9, 10 dom. (Gere.) Aposol Pol Kristen ambra komb nengo embe nim, ambra komb ekin kopong ere nganj erka enam bar, molmene kele bunuman ka karkar enam. Grik yu a aposol Pol nim, Kristen ambra komb konkongol keram bar, alamb nalne pisam kanpolto molmene kele, paim mal keram panim. Pilgi ding ambajen man enem yu e, karkar ere konkongol paim mal kesim bar, kin enem bol kapismen!

9. Abigel mambnem erim bar kenem nawal duwom esmen?

⁹ Wal omuk karom e, mambnem ende Kristen ambajen man si karkar enam. Wal omuk karom panimen e nal mambnem? E mambnem ende omuk manero—kes na kapaim wal kane, enam paim wal esim. Abigel mambnem embe erim mal kenem omukro kandpe. Olom andam mambnem kes karkar erim, e erkelde olom garem kol monjup ga ombun si, kolmem wakronam wal erim. Ba Abigel wamnam wal ende erim. Olom wal omuk karo enda pam wal ere, ga puli kolmem kantawol erim. (1 Sml. 25:​14-23, 32-35) Wal omuk karom mem kenem pakerondo, yu ninamen kunum na yu naninamen kunum pilkane esmen. Ala mambnem e kenem pakerondo alamb ende wei pilngo, wal ende erkelpe kes pisam mambnem nasmen.—1 Tes. 4:11.

10-11. Nim pepe bolo ala gere kanjel bar, nenem na alamb ende nalmal pakerondol? (Piksa pra kane.)

¹⁰ Kristen ambra komb kunum dingding ne nomolpa esim bar, wal pende enam mal duwom er kanam wal kerma paim. Ambel ende ngal kerei meim kunum wal pende duwom er kanem, bulto olom nomolpa enda bar anjngo pakeronda. Wal pende min wonda mal omukro kandpe.

¹¹ Pepe bolo gerdel mal duwom kawei endel. Kulu pende alamb molpum bar, pepe bolo gere esim mambnem ambra komb duwom enam wal kerma napaim ne pisim. Embe ne pisim ba Kristen porpor, pepe bolo gerim mambnem sinam wal kerma wei paim. d (1 Tim. 4:13) Embe pile, nim kankeli pepe bolo ger kanjel bar, wal ende nim kol natungda. Kunum pende ne pesil panda  ba anjngo duwom endel. Embe endel bar nawal ka nim bol min wonda? Embe endel nim pakerondo, ku kongan ka ende kansi endel eri. Ala nim embe endel pakerondo, Baibel yu kanpolto alamb ende duwom er ngondol eri. Ala wal kerma wei paim, Got Yuwom ger kane buro yem kel pisel pakero kelde, se Johova bol man wei pundol.—Jos. 1:8; 1 Tim. 4:15.

12. Provep 31:26 yu paim, nim nalmal pakero kere alamb bol yu ka nindel?

¹² Alamb ende bol yu ka nindel mambnem sindel. Kristen mambnem e sinam wal kerma wei paim. Kenem mambnem embe enamen mal, aposol Jems pilsinamen yu ka ende embe nim: “Alamb porpor yu wamnam komol kase pisam, ba yu pundom wamnam naninam,” (Jems 1:19) Alamb ende yu ninam kunum, nim komol kase pindal, enjep “wei pilngonon” mem tadon. (1 Pita 3:8) Alamb ende yu ninda nim yu molom pilpol narondol mo, olom nalne pisem pilkane narin dal, ki pende mambnem ka karkar er ngondol. Ala apal pende molo buro pile yu nindel. (Prov. 15:​28, ftn.) Nenem ki pende embe ngondol: ‘Na yu pi ninal ne erind e, yuwei olom er dongal enda mo? Na yu ninal erind e olom pilngo bunuman karkar erind mo?’ Kristen ambajen man pilgi wal dongal molo, alamb yu nim komol kase pile, yu ka neyem kesim mal kane duwom endel. (Provep 31:26 gere.) Enjep yu nalmal nim, mane omukro kanjel. Nim yu nindel mal duwom ka er kanjel pakerondo, alamb ende bol seno kumbol amin mem endel onom panda.

13. Nim gara wal kantawol ka endel mal, nalmal duwom endel? (Piksa pra kane.)

¹³ Gara wal kantawol ka endel mal duwom endel. Kulu puli sepunom, bar ambra komb kongan puli ere gara wal meim kantawol esim. Nim manem mo pilgi ding ambanem ende, gar kantawol endel mal duwom ka erngonambe kongan er kaple endel. Ambajen ende kangem Sindi embe nim: “Wal kawei ende na mana duwom erngom e, nim dongal kele kongan omblombol panda puli endel bar, wal ka min wondo kapil morol panim. Olom na mokun garal, gar erka enal, konkongol to boral, mo bunuman ka karkar ere ku kele, wal topronal bar erkelde nanam kantawol ka ere, Johova konganem puli enal pam. Ala na mana ga pende bol mambnem ka enal mal duwom erngom na pakero kelnge, pilgi ding angna ambana man puli bol seno enjep mambnem ka enjip karkar erind eri.” (Prov. 31:​15, 21, 22) Amb ende mambnem ka ere, gar kantawol ka enda mal duwom enem erkelde pemili aiyem na kongrikeisen kapisim.—Prov. 31:​13, 17, 27; Apo. 16:15.

14. Ambajen Kristel bol nim nawal duwom enen, ala nim nawal buro pisel?

¹⁴ Nenem-wal endel mal duwom ka er kanjel. Kristen porpor pilgi a dongal meim ga, enjep-enjep wal enam mal duwom ka er kanam wal kerma paim. (Fili. 4:11) Pilgi ding ambajen ende kangem Kristel embe nim: “Na ai sukul mond kunum, dana mana tal mibulto nomolpa endel bar pakeronda kos ende sindel panijil. Embe pile, na kongan pende enal mal duwom erind, na dana na nengom akauting kos sindel panim, e kampani a ku kongan nalmal enam mal bolmene kele, kantawol enal pam, embe erind bar na  pake kerma rom.” Ala wal ende, kenem ku er sinamen kongan ka nalmal enamen, duwom er kanamen eri pam. Embe enamen bar pakerondo, ambsik wei napanda wal top naronamen. (Prov. 31:​16, 18) Nim embe erin dal, pakero kelde nomolpa endel bar wal apal eri kanno, Johova konganem si ngimba kele, kunum puli kel endel.—1 Tim. 6:8.

15-16. Ambajen man amb komjil meim ga pende nalmal pakerom? (Mak 10:​29, 30)

¹⁵ Mambnem pende er keli Johova kapisa mambnem si, ala mibulto nomolpa endel bar, kongan eri pakeronda sape pende sindel eri. Embe endel mal wal pende omukro kandpe.

¹⁶ Kunum pende kele komjil moral ne pisel. Ambra pende Jises nim yu karkar ere, ye napu komjil moramen nepisim. Kulu pende seim bar alamb mambnem aijep paim, komjil moram e kanapaim nepisim bar pra. (Mat. 19:​10-12) Ga pende bolsinam kaple nanem mo, mem jeljel pande komjil meim. Nim pilkane endel, Johova na Jises Kristen komjil meim ga, wal ei mal nakanbel. Ala mal yemyem sepunom bar, pilgi ding ambajen man komjil meim kongan puli ere kongrikeisen pakerom. Enjep ga pende kanka kane, kanka mem tanim erkelde enjep pilgi wal dongal meim, ala ga puli pilgi a manjep na ambajep mal meim.—Mak 10:​29, 30 gere; 1 Tim. 5:2.

17. Pilgi ding ambajen ambel gal ende, nalmal erkun molo Johova konganem kunum-kunum enda?

¹⁷ Nim Johova konganem kunum-kunum endel kaple enem. Kristen ambajen man mal yemyem sepunom bar meim, Baibel yu neori kesmen kongan kerma wei esim. (Sng. 68:11) Nim yipe erkun er molo, Johova konganem kunum-kunum endel mo? Nim kongan painia endel, konstraksen kongan pakerondol, mo Betel pu kongan endel eri. Enal nepisen kongan buro pile, yane ne Johova ngondol. Ga pende kongan embe er meim, ga bol yu ne nim nawal pende ere kongan e, tuwal pu endel mal nepisel. Ala bulto nenem wal pende ere kongan e, sindel mal omukro kanjel. Nim Johova konganem kunum kunum si erin dal, wusngam apis kelde, Johova konganem kaka puli mol punom pra endel eri.

18. Ambajen ende ye punal nepim dal, nalende punda ye omukaro kanpol tonda? (Piksa pra kane.)

¹⁸ Nim ye punal ne pisel. Kenem yipe yu duwom esmen bar, nim mambnem pende endel na kongan pende endel mal omukro kanjin, nim pakero kelde bolsindel bar amb ka ende morol. Ba nim ye punal nepin dal, pundol ye mane omukro kanpol tondol. Nalenem, e nim wal kerma wei ende enal ne pisen. Nim pilkane endel ye  pundol kunum, adanem konganem pengem enda bar menro morol. (Rom 7:2; Efe. 5:​23, 33) Embe pile nenem ki embe pende ngondol: ‘Olom pilgi wal dongal meim mo? Olom nomolpa enem bar Johova konganem si ngimba kerem mo? Olom wal omukronom bar bunuman ka karkar enem mo? Olom alla enem wal kun neori kerem mo? Olom ambra komb pilngo molmene mem tadom mo? Olom erkelde na Johova bol senond mem dongal pande, nganj wal ambsik paim ngo ala na bol tapka ye ende mora mo? Olom kongrikeisen a kongan ende ngom er kaple enem mo? Ende embe mal, olom kongrikeisen a nal kongan ende enem, ala ngojup kongan er kaple enem mo?’ (Luk 16:10; 1 Tim. 5:8) Weieri, nim ye ka ende kansi punal nepin dal, nim pra erkun ere amb ka ende moral ne endel eri.

19. Nalende ye ambiyem na “pake” amb paninda bar ambiyem kapisa?

¹⁹ Baibel dom bolsinem amb ka ende meim, andam “pakero” “tapka” tonom, (Stt. 2:18) Yu embe nimen bar amb wal kisi mal kanamen mo? Ma! Amb olom andam pakeronom bar kangem kerma sinda. Kenem pilkane esmen Baibel kunum puli, Johova “pake” ye padom. (Sng. 54:4; Hib. 13:6) Pemili tuwalto wal ende min wondo yu ne erkun esim kunum, amb olom adam pake kawei ronom er kelde pemili wal esim woka punom. Amb olom Johova kanka kanem erkelde, enda paim kongan ere andam pakerondo andam kangem ka sinem. (Prov. 31:​11, 12; 1 Tim. 3:11) Nim bolsindel bar mibulto amb ka ende moral nepin dal, yipe kunum Johova kanka kane, garnem kol na kongrikeisen a ga meim pakero mambnem ka tanindel.

20. Ngal manjep ende morol kunum, nalmal ere pemili ainem pakerondol?

²⁰ Nim ngal manjep ende morol kunum. Nim ye pundol kunum andanem bol ngal pende kangrambel ne pisambel eri. (Sng. 127:3) Embe pile kapaim, yero ngal manjep ka ende morol mal buro pisel. Yipe yu duwom esmen bar, nim mambnem ka pende endel mal na wal pende duwom er kanjel mal omukromon pakero kelde, nim bolsindel bar amb ka ende morol ala ngal manjep ka ende morol eri. Nim kanka mem tane, mambnem ka ere, wimuk wamnam nanin dal, e erkelde pemili ainem kapisam, ala ngalnem man bunung meimen ne pisam eri.—Prov. 24:3.

21. Kenem pilgi ding ambajen man meim bar, nal nepismen? Nalende embe pismen? (Garwom oriro ngimba piksa kane.)

²¹ Pilgi ding ambajen man, enem Johova konganem kumbol ngo ere alambem man pakerom bar, kin enem porpor kankawei kanmen. (Hib. 6:10) Nim kongan ombol ere mambnem ka pende karkar enen, ala wal pende endel mal duwom er sape sinen er kelde, nenem nomolpa enen bar na mein bar man meim alamb pakero keli kapil meim. Ala wal ende, mibulto kongan endel mal erkun ermein eri. Pilkane endel, nim Johova okanaiseisen tuwalto wal kawei wei ende mein!