Kongar yipe tuwalto Tawolgar erkenjip pelpel gerin pilmen mo? Ki meim pundom ngondol kaple enem moma kandpe:

Ambra komb bol mambnem enamen mal, Johova ta nalmal nim?

Olom yira ambra pel bol mambnem ding mal enem. Ambra komb kumbola na bunumana nalmal pisim mal ne Johova ngom, pisem eri. Olom konganem enam kaple enem nepilgi dom.—w24.01, p. 15-16.

Efesus 5:7 yu: “Enjep bol tapnaronam” padom kenem nalmal konganem enamen?

Aposol Pol pilsinamen yu ende nim, ende erkerambe kenem Got lo karkar enamen kaple nanda alamb bol tapnaronamen e pilnim. Kenem kunum kunum dingding ne anj dunglom kele tapairomon ga, mo sosol midia wusngama tapromon ga pra kanpol tonamen eri.—w24.03, p. 22-23.

Namal yu gend dom kanpolto tuironal ne endel?

Senomon ga ka-yu gend ninam eri. Ende embe mal, pilgi ding angjen ambanjen man yu ende pisam wei mo gend, omukro kanpolnaro kenem nengonam eri. Pende email wusngama yu gend ninam. Mo Baibel yu neori kel punamen bar aposteit ga, Baibel yu kapisim mal ermolo yu gend ninam eri.—w24.04, p. 12.

King Solomon, Sodom Gomara kunum na Noa kunum nol tom bar gonjup alamb Johova enjep omukronda, nawal pende pilkane esmen ala nawal pende pilkane nasmen?

Kunum ele gonjup alamb enjep ala aksam moma, Johova nal nepisem kenem pilkane nasmen. Ba kenem pilkane esmen Johova wandil mem kerma paim, embe pile mambnem dulto karkar er alamb omukronda.—w24.05, p. 3-4.

Got “Komb Ku Mal meim” padom bar, kenem nawal pilkane esmen? (Lo 32:4)

Johova kenem okul dumam mal meim. Johova yu dongal ne wal ende enal padom porpor weieri enem. Olom mambnem aiyem na wal enal nepisem bunuman pam mal pameim, olom bunuman sens napaim.—w24.06, p. 26-28.

Nawal nim pakerondo kongrikeisen kol ende pundol bar kapile morol?

Nim Johova bol sengse mondal, olom kongan alamb komna monjup pakerom mal nim pra pakeronda. Kongrikeisen kol punom bar komna mon kongrikeisen kin wal esim mal omuk narondol. Kongan enam bar tuwal pu ere, ga kol senonal ne ombol endel.—w24.07, p. 26-28.

Matyu sapta 25 a, yu ekin talende paim bar kenem nawal duwom esmen?

Sipsip na meme yu ekin paim bar, Got bol pilgi ne kamoramen e tadom. Bunuman ka karkar enjip ambra komb na bunuman karkar enjip ambra komb, kin duwom esmen e bunuman ka karkar ere, kanpolto ernombro moramen. Ku talen pane yu ekin paim bar wal kerma ende duwom esmen e, kumbol ngo kongan ombol ere enamen.—w24.09, p. 20-24.

Solomon tempol gar tawum bar gar kerei ende pase ori wom, pase min mita nalnal pum?

2 Stori 3:4 yu, kombe Baibel manuskrip bonjup bar “120 kiubik paninjip,” e gar kerei tau seori wonjup 53 mita pase min pum. Ba Baibel pende bonjup bar “20 kiubik paninjip,” e tadom 9 mita pase min pum. E tempol gar kumb tominj pam bol ding mal paninjip.—w24.10, p. 31.

Kongrikeisen sepent ‘ambiyem ding mora’ panimen nal nepil nimen? (1 Tim. 3:12)

Olom ambiyem dingeri molto pasdia mem tuwal napunda e pilnimen. Ala olom amb jel kanka nakanja eri.—w24.11, p. 19.

Jises disaipol aiyem man kin Kerma Mokun Aiyem nonjup kunum, Jon 6:53 yu paim olom nganjem na maiyam wei nonam nepilnim mo?

Jon 6:​53, Jises nganjem na maiyam nonam ambsik pam mal neori kem. Kongar 32 C.E. kunum, Juda ga Galili monjup Jises wal erim bar pilgi ninam ne yu e neori kem. Ala kongar ding ende bulto, Kerma Mokun Aiyem make Jerusalem pulnombol to simin kenjip. Kunum ele Jises bol semin epen kongan King ga aposol walem monjup bar yu nengom.—w24.12, p. 10-11.