Adam ambiem tal, alamb yu boljop jeljel, kunum dingding ne, kinimba gerger enjil embe ninjip: “Yu bol gerjil bar, kapinjil ala kil dongal ngom eri! Yu bol gerjil bar pilkane enjil, kenem pilgi dongal pande, nal ombun ende, min wonda kaunamen kaple enem. Ambajen ende bunuman ding mal, sim embe nim: “Alamb yu boljop pakero kelde, “ kumbol a kapismen, dongal ngonom, ala mambnem aijep karkar enam nepismen eri. Ala pilgi ding angjen ambajen man, yu boljop mem bar kapaim wal puli duwom enamen. Alamb yu boljop gerind na bunuman si akilnge, Baibel yu neori kesim kongan puli ere, ngalna man, pakero kelne Johova konganem kunum-kunum enam ne erind.”

Alamb yu boljop gerdel erkelde, memka paim wal endel, wimuk nanin del, ala ombun kerma min wonda kunum kapil kaudol. Yu bol embe mal, nim naja bar kansindel?

• “Life Stories of Jehovah’s Witnesses,” Watchtower ONLINE LIBRARY mo Watchtower Library pu kanjel.