Embe mal, kenem puli duwom enjin wal ala buro pisamen pesil paim. Jises yunim bar yu puli pisamen onom paim, nalenem, olom yu ekin puli konganem erim. Jises nim yu buro yem kelpisel pakerondo nal yunim pilpol tondol. Embe dingmal, duwom enen wal puli buro pisal nepin dal, piksa kanen mal bua embe pisel. Wusngam ende embe endel e, piksa dro ermolo duwom erin wal ala buro pisel.

Alamb wal kol duwom ende esim kunum, piksa dro ermoksum pakerondo wal enjip wal ala buro pisam onom paim. Piksa dro ermokjup pakero kelde yu boll mokjup yumem kerma kanpoltom, ala duwom erin wal yumem kerma pra kanpoltom eri. Atis ga piksa dro esim mal embe nandel—dro onom mal eri nim pakeronda mal endel. Dro ermokjup wal alamb tuwa walem pakerondo duwom enjip wal ala buro pisim.

Miro yu duwom endel kunum, duwom erin wal piksa pende dro ermoklo kanal ne endel. Piksa dro endel pakerondo wal puli ala buro pile, malmal wei endel!