Kenem porpor kenem kenem wal duwom er kanamen anj dunglom puli naseim. Embe pile, anj dunglom ipal eri senda konganem ka endel. Wal puli wamnam omukro kanal ne nandel. Wal apal eri duwom mane er kanjel e, kawei pa, wal puli kamkam omukro kanal ne endel e ngonom.

Bulto, wal pende omukro kanjel eri. (Efe. 5:15, 16) Wusngam pende karkar endel mal kanpe:

• Pulnombol embe endel e, Baibel kunum kunum gerdel. (Sng. 1:2) Wakan tuwal makeromon bar Baibel gerya ne sedwol a paim e, karkar ka enamen.

• Duwom enamen Tawolgar na wakan tuwal maka min wonda yu pundom nindel mal er kun endel. Embe endel, pakerondo maka yu pundom kawei nindel.—Sng. 22:22.

• Anj dunglom pende sem dal pilgi-er dongal enda wal pende pra omukro kanjel. E embe mal, alamb poro kanam mekejin meim, vidiyo pende meim, mo jw.org wal meim omukro kanjel.

• Ala wal ende, yu pengem ende nim kanpol tonal ne pisel wal pulnombol duwom endel. Wal pende omukro kanal ne endel embe mal, nem bol ombun ende panda, ki ende panda, mo Baibel yu pengem ende kanpol weironal ne pisel yu. Nim wal duwom endel mal yu numan pende sinal ne pind dal, jw.org a pu yu pengem, review the “Bible Study Activities” pane paim bar kanjel.