Pailot tal bu ding pande balus ambisbel mal, andam ambiyem tal yu nepile, bu ding pande wal ai enambel. Ombun ende mine wonom kunum “kil” nepisim, “nanam” nenapisim.

BAIBEL KOLTA YU: “Enjel tal nameibel, enjel nganj ding meibel.”—Matyu 19:6.

“Bolsimbel bar alamb tal meimbel. Andam ambiyem kongan ai ere kapil morambel.”—Kristopa.

Andam ambiyem kongan ai naenjil dal, ombun ende mine wonda kunum, erkun enambel sikele a ne nganmal enambel. Ombun kere erkeramble wose kerma wei punda.

“Andam ambiyem kongan ai ere dongal morambel. Na andana bol kongan ai naenjil dal, kil gar ding meibel ba andam ambiyem mal nameibel—ala wal kerma ende enambel paim kunum yu ai nenapisbel.”—Alexsendra.

NEM KI EMBE NGONDOL

• Ku ende ersind, “nanam” ku mongse nepis mo?

• Kor mol kapisal nepinj dal, andana mo ambina sikele nanam mongse embe enal mo?

• Na andana mo ambina maiyam ding ga meim, enjep bol kolbar mei mo?

BOLSINEN ALAMB BOL YU NINAMBEL

• Kil bolsinjil bar nal kongan pende ai esbel?

• Nal kongan pende esbel bar ombol er erkelbe woka punda?

• Kil nal wusngam pende karkar erbe, kongan ai esbel woka punda?

ENAMBEL WAL

• Buro pisel, konj tenis net paim bar elep tal yemyem molo konj tombol. Ba nim nawal eri elip wose ding pumolo konj tonambel?

• ‘Nanam nalmal win enal’ nenapisel. ‘Kil ai nalmal win enambel’ nepisel.

“Bolsimbel bar ende alla enem, na alla naerind ne omukronon mambnem sikerel. Kumbol amin sende kapil morambel e wal kerma.”—Eten.

BAIBEL KOLTA YU: “Enem enem kapisim wal mongse napisam, ma, ende kapisim wal pilngonam eri.”—Filipai 2:3, 4.