1. Alamb puli kenem make paim bar wom, nawal ende erkelde enjep ka pisim? (Piksa pra kane.)

 ANDAM ambiem tal ende Johova Witnis ga Kingdom gar a make pambar komna kunum punjil mal buro pile. Kongrikeisen a angjen ambajen man enjel bol jembinware ka nesi, kanka mem taninjip bar kawei wei pinjil. Enjel se gara wonambel ne wonjil kunum, amb e andam nengo embe nim, ‘Johova Witnis ga jelmal wei molo na alamb pende bol taprond ngom. Enjep bol—tapro kapis.’

2. Nalende ga pende pilgi wal borom?

² Kongrikeisen Kristen tuwalto, ende ende bol kanka mem tanim e wal kawei. Embe paim ba, Johova Witnis ga poro sin nganja paim. (1 Jon 1:8) Kenem kongrikeisen a angjen ambajen man kanpol tomon kunum, kunum pende ne enjep alla esim pra pilkane esmen eri. (Rom 3:23) Wandil wei, ga pende enjep alla esim bar omukro kanim erkelde pilgi wal boro, Johova konganem nasim.

3. Jises karkar wei esim ga, nal mambnem taninambe pilkane esmen? (Jon 13:34, 35)

³ Yu duwom yipe enamen bar Baibel yu kerma sinjip, ala kane. (Jon 13:34, 35. gere.) Jises karkar wei esim ga, nal mambnem taninambe alamb pilkane esim? Enjep sin nganj a paim, ba kanka mem tanim. Jises nim: ‘Nim embe endel bar nim, na disaipol wei men ne pilkane endel pananim.’ Olom nim: “alamb poro nim na disaipol wei men ne pilkane enam panim.” Jises nim, olom karkar esim ga kanka mem tanim,  Kongrikeisen a meim ga mongse na kanam, ba alamb ori meim pra kanam eri panim.

4. Alamb pende Kristen wei nalmal pilkane enamen nepisam?

⁴ Johova Witnis ende nameim alamb ki embe mal ngonam: ‘Jises disaipol aiem man wei, kanka mem nalmal taninambe kenem enjep pilkane esmen? Jises olom aposol aiem man bol, kanka mem nalmal tanim? Jises mambnem erim kenem yipe karkar enamen kaple enem mo?’ Johova Witnis nol pa sikenjip ga, ki e pundom kansinam ne ombol esim eri. Embe enamen bar, sin nganja paim ga bol kongan ai enamen kunum, ende ende bol kanka mem weieri taninamen.—Efe. 5:2.

5. Jises nim yu Jon 15:12, 13 a paim, yu mem ne polto.

⁵ Jises yu ne penem a kem, olom karkar wei esim ga, ende ende bol kanka mem taninam panim. (Jon 15:12, 13 gere.) Jises olom disaipol aiem man nengo embe nim: “Na enem kanka kanj mal enem ende ende kanka kanam.” E yu mem nalmal paim? Jises yu e ne aune embe nim, Kristen ende alamb ende kanka—kanse minto pu olom olom kanka kanem e ngonda, mo olom kolmem wakro pilgi ding angam mo ambam pakeronda eri panim. b

6. Kanka mem wal kerma paim, Baibel nalmal taninde pilkane esmen?

⁶ Got Yuwom Baibel a meim, kanka mem yu bol puli wei tonom. Alamb puli, enjep Baibel wes pende kanka kanim e embe mal: “Got kanka mem.” (1 Jon 4:8) “Nimnem kanka kanen mal, alamb ende embe kanka kanjel.” (Mat. 22:39) “Kanka mem sin puli bi dom.” (1 Pita 4:8) “Kanka mem pornaninda.” (1 Kor. 13:8) Wes e na Baibel wes pende meim tadom, kenem kanka mem taninamen wal kerma wei paim.

7. Nalende Satan erkelde, alamb ende ende bol kanka mem taninam kaple nanem?

 ⁷ Alamb puli ki embe ngom: ‘Na nalmal lotu wei kanpol tonal? ‘Lotu porpor alamb yuwei duwom er ngomon panim, ba Got ye nalmal alamb duwom mane er nangom.’ Satan lotu gend puli kes wei simin kerem pile, alamb puli nal lotu wei ende seim kanpol tonam kaple nanem. Olom alamb mal tambem yem yem meim erkelde, ende ende kin kanka mem taninam kaple na enem. Johova mongse embe enda kaple enem. Embe nimen kun paim nalenem kanka mem wei Johova bol wonom,—Johova murmulom dongal mo oli spirit enjep bol meim alamb kanka mem e esim. (1 Jon 4:7) E mem pange Jises nim, olom karkar esim alamb mongse, kanka mem ka e enam panim.

8-9. Johova Witnis ga kanka mem taninjip, ga pende kanjip bar enjep nalmal pake sinjip?

⁸ Jises yu propet ne pakim mal, alamb puli, olom disaipol aiem man wei kanka mem taninjip bar pilkane ere se yuwei a tuwal wonjip. Ende embe mal, angjen ende kangem Ian, olom garem kol stedium sem bar make ende komna kunum pam pum mal buro yem kel pim. Ian oll pende yero, stedium e konj tonjip bar pu kanim. Bulto olom embe nim: “Na kibung pund bar pund alamb mambnem enjip jelmal wei pa, konj tonjip bar alamb mambnem enjip ngom. Witnis ga bu ka karkar ere, konkongol kun pamal kenjip. Ala ngaljep man yu pil karkar ere, kine monjip.” Olom yu pende embe nim: “Wal kerma wei, alamb e wal ipal kannonjip poro nepile kumbol amin monjip—e na enal ne kapinj wal. Kunum ele nal yu wei ninjip na bu a nameim, ba Witnis ga mambnem ka enjip bar na bua mol pamem.” c Kenem ende ende bol kanka mem ka tanimen bar, wal ka embe mal min wonom. Kenem pilgi ding angjen ambajen man kanka kanmen erkelde enjep bol molmene kele, mambnem ka esmen.

⁹ Pilgi ding angjen ende kangem Jon, olom kongrikeisen make pambar komna kunum pum kunum, embe ding mal pim. Olom embe nim: “Alamb na bol yuka ninjip bar kawei wei pinj . . . Mambnem ka embe enjip bar—na enjep kuru wei meim nepinj. Kanka mem ka embe taninjip bar na yuwei kansind ne pinj.” d Yubol e na yubol pende meim taninde pilkane esmen, Johova Witnis ga Kristen wei meim.

10. Nal kunum wei, kenem Kristen kanka mem ka taninamen? (Kanjip yu paim pra kane.)

¹⁰ Kenem bol tonamen yu kerma pam bar ninjin mal, pilgi ding angjen ambajen man poro sin nganja paim. Kunum pende ne, enjep yu ne mambnem enam bar kenem kumbol ombun sinamen. e (Jems 3:2) Wal embe min wonda kunum, kenem Kristen kanka mem ka taninamen wal kerma wei paim. Wal embe Jises bol min wom kunum, olom mambnem pende erim bar kenem nawal duwom esmen?—Jon 13:15.

11. Jems na Jon nal mambnem kes ende taninjil? (Piksa yu paim pra kane.)

¹¹ Jises olom disaipol aiem man, mambnem dulto eri enam ne napim. Embe pamba, Jises kanka mem bol, olom disaipol aiem man mambnem napam mal erjip er kun erde, Johova enjep bol kapisa ne erim. Kunum ende,  aposol Jems na Jon enjel manjel ki si, nim pu Jises nini olom kongan king enda kunum, kil namba kerma ngonda paninjil. (Mat. 20:20, 21) Jems na Jon molmin mem ere, enjel molse minto pu alamb ende ngombol ne pinjil mem taninjil.—Snd. 16:18.

12. Jems na Jon mongse mambnem kes embe enjil mo? Yubol to.

¹² Jems na Jon mongse kunum ele mambnem kes tananinjil. Enjel wal enjil bar, aposol pende pinjip kunum nalmal enjip mal pile: “Disaipol ten poro yu e pinjip kunum, angam angam tal e bol ka napinjip.” (Mat. 20:24) Disaipol ga pende Jems na Jon bol yumal ere embe ninda ninjip: ‘Elep molse minto pu kin ngombol mo? Embe pile Jises King mora kunum, elep kongan kerma ngonda panimbel mo? Elep mongse Jises bol kongan ombol enjil kana? Elep kongan kerma sinambel mal kin pra sinamen eri!’ Wal embe mal min wom er kelnge, enjep ende ende kanka kanjip mem tokes mokum.

13. Aposol walem mambnem napam mal enjip kunum, Jises nalerim? (Matyu 20:25-28)

¹³ Ombun min wom kunum Jises nalerim? Olom kumbol mul nasim. Jises, na molmene mem na ende ende kanka kanam aposol ga kolnga ende kansinal pananim. Ala Jises enjep bol wimuk wamnam nane, mambnem amin erim nalerim, enjep mambnem dulto  karkar enam kapinjip. (Matyu 20:25-28. gere.) Enjep kunum puli ende ende bol yu yem yem ne yumal enjip, ba Jises kanka mem tane, kunum kunum mambnem amin erim.—Mak 9:34; Luk 22:24.

14. Jises disaipol aiem man nal mambnem sem bar, nomolpa ere yau min wonjip?

¹⁴ Weieri, Jises olom disaipol aiem man nomolpa ere yau min wonjip mal kanpol weirom. (Jon 2:24, 25) Disaipol walem yau min wonjip bar, lotu pengem enjip ga enjep duwom er ngonjip ngo, kangem kerma na kongan kerma enam e wal kerma paim paninjip. (Mat. 23:6; Matyu 23:6 Stadi nout a vidio ende kangem The Front Seats in the Synagogue pane paim omukro kane.) Lotu pengem enjip ga, kenjen molsino alamb ende ngomon paninjip. f (Luk 18:9-12) Aposol walem mambnem embe sembar mol yau min wonjip pile, enjep molsino alamb ende ngomon ne pinjip Jises pilkane erim. (Snd. 19:11) Olom disaipol aiem man alla nanam ne napim, ala mambnem napam mal enjip kunum olom wimuk wamnam nanim. Enjep mambnem ka enam ne kapinjip, Jises pilkane erim, embe pile olom molmene kele enjep duwom er ngongo, ende ende bol kanka mem tane, molsino alamb ende ngnomon ne pisim mem wakronam ne erim.

15. Jems na Jon bol wal min wom bar, kenem nawal duwom esmen?

¹⁵ Jems na Jon bol wal min wom bar, kenem wal puli duwom esmen. Nim Got Gapman a King morol kunum kil namba kerma nga ninjil e alla enjil. Ala disaipol ga pende pra enjep kumbol ding moram wal nanjip e alla enjip. Embe pamba Jises, aposol 12 -poro bol kanka mem na mambnem ka tanim. Embe erim bar kenem nawal duwom esmen? Alamb ende alla enam, ba wal kerma paim e enjep alla enam kunum kenem nal mambnem enamen kanpol tonamen. Nawal kenem pakeronda? Pilgi ding angjen mo ambanjen ende bol kumbol ombun sinjin dal, kenem kenem ki embe ngonamen: ‘Nalende olom alla enem bar na bu puli topis? Na mambnem e sikeral ambsik paim mo? Mem ka pande ende alla er ngonom na kumbol ombun sind, ba kanka mem tane, olom alla er ngonom wakronal mo? Kenem alamb ende bol kanka mem tanimen e, tane penem a kerem, Jises disaipol aiem wei meimen.

16. Jises mambnem erim bar, kenem nawal ende duwom esmen?

¹⁶ Jises wal erim bar tadom, kenem pilgi ding angjen ambajen man kanpol wei ronamen. (Snd. 20:5) Weieri, kenem pilkane esmen, Jises alamb kumbol na numan a sem wal pilkane erim. Ba kenem embe enamen kaple nanem. Pilgi ding angjen ambajen man, kenem bol mambnem napaim mal enjip dal, wimuk wamnam nane, mambnem amin enamen. (Efe. 4:1, 2; 1 Pita 3:8) Kenem pilgi ding angjen ambajen man kanpol wei ronjin dal, mambnem embe enamen onom panda. Wal ende min wom mal kanamen.

17. Seket tawol erim angjen ende, pilgi ding angam ende kanpol weirom bar nalmal pakerom?

¹⁷ Is Aprika tuwalto seket tawol erim angjen ende, olom kongrikeisen aiem a pilgi ding angam ende, olom bol mambnem ka nanem nepim. Kunum ele seket tawol erim angjen nalerim? Olom embe nim: “Na olom bulngo  nasikend, ba olom ye nalmal kanpol tonal ne erind.” Seket tawol erim angjen, olom pilgi ding angam nomolpa ere yau min wom mal omuk manero kanpol tom er kelnge, pilgi ding angam e, ga pende bol mambnem embe erim pilkane erim. Seket tawol ye yu pende embe nim: “Na angjen e olom yo mambnem erim ombol er sikele, pilgi ding angam ambam man bol mambnem kol karkar erim na pilkane erind kunum, olom bol kapinj. Kil seno tap kawei tonjil.” Kenem pilgi ding angjen ambajen man kanpol wei tonamen erkelde, enjep bol kanka mem taninamen.

18. Pilgi ding angjen mo ambajen ende erkelde kenem kumbol mul sinjin dal, kenem kenem nal ki pende ngonamen? (Provep 26:20)

¹⁸ Kunum pende ne, kenem pilgi ding angjen mo ambajen ende erkelde kenem kumbol mul simen alamb, pu kane yu ninamen ne pisamen. Ba yero, kenem kenem ki embe mal ngonamen: ‘Na wal min wom mal wei kanpol tond mo?’ (Snd. 18:13) ‘Olom na bol alla erngonal ne kanse narim kana?’ (Ekl. 7:20) ‘Na alla ding mal embe ende ere erind mo?’ (Ekl. 7:21, 22) ‘Na olom bol yu nind dal, erkelne ombun e wose kerma punda mo?’ (Provep 26:20 gere.) Kenem ki embe ngonamen erkelde pilgi ding angjen ambajen man bol kanka mem tane, ombun e tomen keramen.

19. Nim nawal ende enal ne bu dongal paim?

¹⁹ Johova Witnis ga, ende ende bol kanka mem esim bar tadom, enjep Jises disaipol wei meim. Kunum pende ne pilgi ding angjen ambajen man kenem bol alla er ngonam, ba kenem kanka mem enjin dal tadom, Jises disaipol wei meimen. Kenem kanka mem ka taninamen bar alamb oriro kane se yuwei a tuwal wo, kanka mem seim Got Johova lotu er ngonam. Embe pile, kenem kunum kunum ombol ere kanka mem tane, Kristen wei moramen.