1-2. Nim nol panal ne erkun ere namon dal, nalende bunuman puli nakerel? (Piksa garwom ngimba kane.)

 NIM NOL panal ne pindal, e, wal kawei wei ende enal nepisen. Nim nol yipe panal ne, erkun ermen mo? Elda walem yu ne ding kele, nim nol pandel paninjip dal, bunuman puli nakerel. Nol pandel bar kapil morol, ala yipe na mibulto topom ka puli sindel.

² Alamb ende nim nengo, nol panal ne pindal, pilgi a wal puli er semin wondol, paninjip pilkane erin mo? Mo nenem wal e, pilkane erin? Embe panda ba, nim bunuman puli nakerel. Kenem tuwa na gal poro pilgi a wal er semin wo, nol panamen kaple enem.

3. Itoipia ye nom Pilip bol nal ki ende sim, ala nal ki ende buro pisamen? (Aposel 8:36, 38)

³ Aposel 8:36, 38 gere. Itoipia ye nom ende, Got kongan ye Pilip ki si, embe nim: “Nol panal bar nawal na kol tungnom?” Itiopia ye olom nol panda kawei wei pim, ba olom nol panal ne erkun, ermom mo?

4. Itoipia ye e, olom wal puli duwom er kanal ne kapim mem, nalmal tanim?

⁴ Itoipia ye e, olom Jerusalem “pu, lotu ere ere erim.” (Apo 8:27) Embe pile, olom Juda ga lotu aijep bol, kapisa pim. Ala e, pakerongo Ibru yu a Baibel bol mokjip, gere Johova ye nalmal wei kanpol tonda rom. Embe pamba, olom wal puli duwom er kanpol tonda kapim. Pilip pu Itoipia ye kerma e, wusngam a mom kansim kunum, olom nawal ermom? Olom propet Aisaia yu skrol a bol mokum gere mom. (Apo 8:28) E, pilgi mokun dongal wei. Itoipia ye kerma e, olom lo kerma mongse kanpolto ne narim, olom wal puli duwom er kanpol tonda kapim.

5. Itoipia ye duwom ere kannim wal, erkelnge nalerim?

⁵ Ye e, Itoipia Kwin Kandasi, ye kerma ende molo, “ku kantawol ere erim.” (Apo 8:27) Embe pile, olom kongan puli mom, anj dunglom nasenda sem. Embe pamba, olom kunum kele, Johova lotu erngongo erim. Olom yuwei duwom er kanj, ka mongse napim, ba, duwom er kanim wal konganem erim. Embe pile, olom Itoipia si kele, kol kolbar wei sem bar, sikele se Jerusalem tempol pu, Johova lotu erngongo erim. Kol e, pum bar anj dunglom puli sim, ala kannom wal wakronda rom eri. Ba, olom Johova lotu er ngonda kawei wei pim, embe pile wakrom wal buro napim.

6-7. Itoipia ye, Johova kanka kanim mem nalmal wose kerma pum?

⁶ Itoipia ye e, Pilip bol yu wei kerma pende duwom erim, ende embe mal, Jises Mesaia ne pilkane erim. (Apo 8:34, 35) Ye kerma e, Jises wal olom bol erim mal, pilkane erim kunum, kumbol a wei pim. Embe pile, olom nalerim? Olom na Juda ga lotu esim bar kapil erind e, poro nepisa pim. Ba, olom Johova na Jises kanka kanim, mem wose kerma wei pum. Embe pile, olom kolmem-pal ngo, nol pa Jises disaipol aiem ende moral ne pim. Pilip pilkane erim, ye nol panal ne erkun ermom kunum, olom nol nol pakle ngom.

⁷ Nim Itoipia ye, mambnem erim karkar erin dal, nol pandel ne erkun er morol kaple enda. Nim pra bunuman dongal pande embe, nindel, “Nawal na nol panal bar, kol tungnom?” Pi nim Itoipia ye, erim mambnem nalmal karkar endel mal omukro kanamen: E, embe mal, olom wal duwom anjngo erim, duwom erim wal karkar erim, ala Johova kanka kanim mem wose kerma wei pum.

8. Jon 17:3, nim bol nalmal kun paim?

⁸ Jon 17:3 gere. Jises nim yu e, nim pakerongo Baibel yu duwom erin mo? Weieri, yu e kenem puli pakerom. Ba wes ele meim, kenem yu duwom anjngo enamen mal dom mo? Weieri dom. Kenem “Got wei ye nalmal duwom er, kanpol . . . tomon” mem porwei naninda. (Ekl. 3:11) Kenem kunum kunum olom ye nalmal duwom enamen. Got ye nalmal duwom er pilkane enamen, pakerondo olom bol se mand wei punamen.—Sng. 73:28.

9. Kenem Baibel yuwei kerma pende, duwom er pilkane enamen kunum, bulto nal enamen?

⁹ Weieri, kenem Baibel yu kerma pende duwom esmen e, Johova ye nalmal duwom er, pilkane esmen. Aposol Pol pepe bol, Ibru ga ngom bar nim ne, “yuwei kerma” kenem duwom er kanmen e, kenem pulnom bosmon panim. Olom kenem Baibel yu kerma pende duwom esmen e wal kerma napaim pananim. Duwom ere, “yu mem pilgi” nimen e, suse si  ngal kamnal am nonom bol ding mal paim panim. (Hib. 5:12; 6:1) Ala olom Kristen poro nengom ngo, enem Got Yuwom yuwei meim bar, wal puli wei duwom er pilkane enam panim. Nim Baibel a wal puli duwom er, pilkane enal ne kapisen mo? Nim Johova ye nalmal na, olom nawal mibulto enal ne kapisim wal, duwom ere pilkane endel kapisen mo?

10. Nalende ga pende yu duwom enam, pesil panda?

¹⁰ Kenem puli wal duwom enamen pesil wei paim. Nim wal duwom esim bol bunuman nalmal paim? Nim sukul gar wal, ger duwom ka ere ere erin mo? Nim wal duwom kapil er, ala wal puli kanpol toro erin mo? Mo nim buk a wal duwom esim mem bol kanapil pile erin? Weieri, alamb puli embe ding mal pisim. Embe panda ba, Johova nim pakeronda. Olom bunuman kapa tuluk ronom, ala Tisa kawei wei meim.

11. Johova “Tisa Molse Ngimba” punom, nalmal tadom?

¹¹ Johova dom, olom olom “Tisa Molse Ngimba” wei pund padom. (Ais. 30:20, 21) Olom Tisa ka molo, wimuk wamnam nadom, mambnem ka enem, ala wal poro kanpol wei tonom. Olom duwom erngonom ga, mambnem ka esim bar, mongse kanem (Sng. 130:3) Kenem enamen kaple nanem wal, eya nadom. Pilkane enamen, olom kenem peng koi erkem paim, e, wal kawei wei ende. (Sng. 139:14) Ala kenem wal duwom enamen ne kapismen bu, kem paim eri. Wal porpor Ersem Ye, kenem kunum kunum—wal duwom er, pilkane er, kapil moramen ne pisem. Embe pile, kenem yipe Baibel yuwei duwom ere, pilkane enamen ne, “kapismen mem” sinamen kawei. (1 Pita 2:2) Nim wal endel mal yero, mane buro pile, enge erse kunum kunum Baibel gere, ala gerdel wal duwom mane endel. (Jos. 1:8) Johova nim pakerondo kunum kunum Baibel gere, olom ye nalmal duwom mane erkane, kawei pisel.

12. Nalende kenem Jises, yu bolom Baibel a meim, mane duwom kanamen?

¹² Jises ya mala wo kongan er wanim mal, yu bolom Baibel a meim, kenem kunum pende kele gere, mane buro pisel. Kenem, Jises kolkapil karkar ka enamen pakerondo, ombun kerma min wonda kunum, Johova konganem anjngo er moramen. (1 Pita 2:21) Jises disaipol aiem man nengo, ombun enem bol min wonda panim. (Luk 14:27, 28) Embe pam ba, Jises pilkane erim, olom karkar wei enam ga, olom erim mal, ombun min kauwo akilgi ne ka moram nepim. (Jon 16:33) Embe pile, Jises ya mal molo, kongan ere, mambnem pende erim mal, duwom mane ere, kunum kunum nomolpa endel bar, karkar enal ne ombol endel.

13. Kenem nawal Johova bol ki sinamen, ala nalende embe enamen?

¹³ Kenem yuwei sape mongse nasinamen ma. Mem kerma ende pande, kenem yuwei duwom er pilkane esmen e, Johova nalmal duwom mane er kane, mambnem ka pende si karkar enamen ne esmen. E, embe mal olom kanka kane, ala pilgil ninamen. (1 Kor. 8:1-3) Nim kunum kunum wal duwom endel bar, Johova ki si na pakeroi, duwom erind wal bol pilgi ninal panindel. (Luk 17:5) Johova yane embe mal pundom ngonda kawei wei pisim. Nim Got bol sape dulto si, pilgi dongal wei panda erkelde wal pende endel.—Jems 2:26.

14. Aposol Pita kenem duwom esmen wal karkar enamen, nalmal wal kerma paim panim? (Piksa pra kane.)

¹⁴ Aposol Pita yu nim bar tane penema kem, Krais disaipol aiem man duwom esim wal, karkar enam wal kerma paim panim. Olom Baibel a Noa yubol pam, boltom. Johova, Noa nengo mambnem kes enjip alamb kunum ele monjip, nol kelni wo toporninda panim. Noa pemili  aiem man bol nol tonda, ne pilkane enjep bar mongse, enjep pake sinam napam, wal pende enam pam. Pilkane endel Pita nim, nol narom kunum yero, “sip pulnombol taujip” panim. (1 Pita 3:20) Weieri, Noa olom pemili aiem man bol, Johova yu nengom yu duwom ere pilkane enjip, karkar ere sip kerma kes wei enjip. (Hib. 11:7) Aposol Pita nol panal ne ere, wal pende esim Noa wal pende erim ding mal paim mal ne, embe nim: “Wal kombe min wom, yipe nol panambe enem siyem kera bol suse paim.” (1 Pita 3:21) Embe ding mal, kenem kongan yipe esmen e, Noa pemili aiem man bol kongar puli kele, sip erim bol ding mal paim. Nim nal kongan pende endel bar, nol panal ne ermen, mem tanindel?

15. Kenem kumbol to ak wei tomon mem, nalmal taninamen?

¹⁵ Wal ende ngimba wei enamen e, kenem komna sin jindang er wanjin, wakro kumbol to ak wei tonamen. (Apo 2:37, 38) Kenem kumbol to ak wei tonamen, erkelde mambnem kes yo er wanjin weieri wakro sikeramen. Nim Johova kanapim mambnem pende er mon, wakro siken mo? E, embe mal, pasdia mem karkar erin, irr non, mo yusep ne yukes nine erin mem. (1 Kor. 6:9, 10; 2 Kor. 7:1; Efe. 4:29) Nim embe narin, pamdal nim ombol ere mambnem kes e, wakrondol. Nim bol Baibel yu duwom erngonom alamb mo, kongrikeisen a elda wal meim, ki si nim pakeronam. Nim gal ambel gal ende danem manem bol mondal, mambnem kes ende nim koltundo, nol napandel panda wal, enjep ki si pakeroya nindel.

16. Kenem kunum kunum, Johova lotu er ngonamen ne pinjin dal, nawal pende enamen?

¹⁶ Wal kerma wei paim e, kenem pilgi a dongal moramen wal kunum kunum enamen. E, embe mal Kongrikeisen make panda bar pundol, ala make wal erkun er si, pu yu pundom nindel. (Hib. 10:24, 25) Ala nim Baibel yu neori kerel kaple paninjip dal, enge ka er se, kunum kunum pundol. Nim alamb kolmem pakeronal ne, Baibel yu kunum kunum neori kerel bar, nimnem kawei wei pisel. (2 Tim. 4:5) Nim ye amb gal ende danem manem bol mondal, nenem ki embe mal ngondol: ‘Kongrikeisen make paim bar na Baibel yu neori kesim bar, dana mana nipnape ne na panim, mo nanam kapil pund?’ Wal embe nimnem kapil erin dal, nim pilgi dongal paim mem  tadon, ala Johova kanka kane, olom bol kapisen mem tadon eri. Wal embe endel bar, “Got kumbol wei ngo” olom lotu erngondol, ala e, opa ka ende Johova ngonon. (2 Pita 3:11; Hib. 13:15) Alamb ende kenem nipnape nanim, ba kenem kenem kapil opa ngomon Johova kapisem. (2 Ko. 9:7 omukro kane.) Kenem wal embe esmen nalenem, opa ka Johova ngomon erkelde kenem kenem kapismen.

17-18. Nim nal mambnem kerma ende endel pakerondo, nol panal ne erkun endel, ala e, nim nalmal pakeronda? (Snd. 3:3-6)

¹⁷ Nim pilgi a wal pende er semin wo, nol panal ne endel kunum, ombun pende panda. Nim pilgi kol ende sindel bar, alamb nim yu kuram, ala nim bol opyem enam eri. (2 Tim. 3:12) Kunum pende ne nim mambnem kes ende, sikerel ne ombol enen, ba ala mambnem kes e enen, e, nim bol ombun ende paim. Mo nim enal ne kapisen wal min nawonom kunum, wimuk ninde kumbol ombun sinen. Ba nawal nim pakerondo, ombun e kauwo akilgi nindel? Mambnem kerma ende kenem pakeronda e,—Johova kanka kanmen mem.

¹⁸ Nim Johova kanka kanen e, mambnem kawei ende, nim bol sem. (Provep 3:3-6 gere.) Johova kanka kanemen, pakerondo nomolpa enamen bar, ombun min wonda kauwo akilgi ninamen. Baibel dom, Johova olom konganem alamb bol kanka, mem ka tadom padom. Kanka mem ka erkelde olom konganem alamb bol bulwei nangonda, ala enjep kanka kanem mem pronaninda eri. (Sng. 100:5) Nalenem Johova olom mom mal, nim ersem. (Stt. 1:26) Nim kanka mem ka embe, nalmal tanindel?

19. Johova nim bol wal porpor erim bar kapisen mem, nalmal tanindel? (Galesia 2:20)

¹⁹ Nim kapisen mem tanindel. (1 Tes. 5:18) Kunum dingding ne, nimnem ki embe sindel, ‘Johova na bol kanka mem nalmal tadom?’ Yane nindel bar, Johova nim bol wal pende erim mal kun kangem dal, sangiyo nindel. Aposol Pol Johova ye nalmal pilkane erim mal, nim pilkane endel Johova nim bol wal ka kunum kunum enem nalenem, olom nim kankawei wei kanem. (Galesia 2:20 gere.) Nim nem ki embe ngondol, ‘Na Johova bol kanka mem tane yem keral kapis mo?’ Nim Johova kanka kanjel pakerondo, wal ende min wo nim er kanal ne enda tuirondol, ala ombun min wonda kawo akilgi nindel. E nim pakerondo  pilgi a dongal morol wal kunum kunum endel. Ala kunum kunum nomolpa endel bar Johova kanka kanen mem tanindel.

20. (a) Nim kolmem Johova ngondol bar nawal pende endel? (b) Nim kolmem Johova ngonon nalmal wal kerma wei paim?

²⁰ Kunum pende wopundo, nim Johova kanka kanen mem erkelde, yane dongal wei ende nindel. E nim kolmem pal Johova ngondol. Pilkane endel, nim yane wusngam a yu dongal e don kunum, wal kawei wei ende pilgi don, e embe: Nim kunum kunum olom alambem man meim bar tuwal molo, konganem enal nepisen. Yane wusngam a yu dongal don e kunum kes na ka senda kunum, olom konganem anjngo ermoral padon. Nim yu dongal e ala nindel konganem napaim. Yu dongal e nimen e wal kerma wei paim. Nim wal e buro pile: Nim kol men kunum wal ka pende enal ne pisen, ala yu dongal pende don eri. Ba yane wusngam a yu dongal ne, kolmem Johova ngonon e wal kerma wei pase minto pu wal porpor ngonom. (Sng. 50:14) Satan ombol ere, erkelde nim Johova kanka nakane, olom bol ka namorol ne enem. Ba kankeli Satan wal embe ere nim tomen nakera! (Jop 27:5) Nim Johova kanka kanen mem dongal panda pakerondo yu dongal don mal karkar endel. Ala pakerondo Danem Johova min epen meim bol semand wei pundol.

21. Nalende kenem nol paimen e, pornadom ba pulnom bosmon paninamen?

²¹ Nim yane wusngam a Johova bol yu dongal nindel kunum bulto, kongrikeisen a elda meim bar wal kerma ende endel mal ne ngondol. Nim kunum kunum pilkane endel, nol pandel kunum pornadom, ba pulnom boron. Kunum ele nim Johova konganem kunum kunum enal panin pulnom boron. Embe pile, nim danem kanka kanem mem yipe er dongal wei endel. Nim wal pende endel mal mane buro pisel pakerondo, Johova kanka kanen mem kunum dingding ne wose kerma wei punda. Wal embe endel pakerondo nol panal ne kapil erkun ermorol. Nol pandel e kunum kawei ende min wonda. Ba e nim pulnom boron. Weieri nim kunum kunum nomolpa endel bar, Johova na Ngangem Jises kanka kanen mem erkeli wose kerma wei punda!