Kenem yu duwom enamen ne erkun enamen kunum kenem kenem ki embe ngonamen, ‘Na nawal ende duwom erkanel kapis?’ Ba, kenem kanpol tonamen nal enmen, kenem kenem ka pismen wal buropile Got kenem duwom erngnom wal kanpol naro ninamen. Kenem nalmal ere Jehova duwom er ngonom yu komol kase pisamen?

Bunuman ka nga ne yane nindel. Johova kisi pakerodo olom nim pi duwom erngonal ne enem wal kanpol todol (Jems 1:5) Nenem yero pilkane erin wal mongse bol pilgi nanindel.—Prov. 3:​5, 6.

Kankeli Got yuwom Baibel a meim dongal kerma jelmal paim nim pakeronda. “Got yuwom kol paim.” (Hib. 4:12) Kenem kunum kunum Baibel gernamen kunum kankelpe, Jehova “yuwom “ kol paim kenem pakerondo dom yu karkar enamen—ba embe enamen ne pinjin dal kankelpe Baibel yu germen bar Got kenem duwom erngonda

Johova wal puli konganem ere Baibel yu duwom er kenem ngnom bar sangiyo ninamen. Olom pilgi mokun kenem ngonom, “mokun kanem kanem puli” bol ding mal paim. (Ais. 25:6) Mokun pende nim nondol ka napisen “mokun” tuiro nindel kanpol tondol. Kankeli Johova nim pakerondo alamb ka ende molo yu duwom enen anjngo endel!