3. Keswos
3. Keswos
“Kes wos . . . kerma kerma mine wonda.”—LUK 21:11, NWT.
● Bonzali, olom kulu Afrika ausik kongan ye, opnganmal esim bar wane maining a kongan enjip ga kes Mabuk wairus tom pake toro erim. Kes e alamb puli togom. a Olom taun a monjip ga ki si pakeroya nim ba wal ende wei naenjip. Oll 4-poro wopungo kongan ga pende pakeronam ne punjip ba Bonzali yero gom. Olom maining a kongan enjip ga pakeronal en erim bar kes Mabuk sim.
WAL NAWAL PENDE YIPE MINE WONOM? Kes numonia, enj kunnum, HIV/AIDS, TB na malaria e kes keswei, alamb puli keswei togorom. Kongar pende wopnom, kes 5- poro nimen e alamb 10.7 milien mal togom. Ala yu ende ninamen, kongar ding dingne kes e anj dunglom 3 sekens tuwalto alamb dingne togora bol ding mal.
ALAMB PULI NAL BUNUMAN PAIM? Mal pel alamb paim namba kunum kunum se mine eri punom, embe pile kes kolnga kolnga mine wonom. Embe paim pile alamb puli kes sinam kaple enem.
NIM PISEN BUNUMAN E KUN PAIM MO? Mala alamb paim namba yipe kamkam se mine punom. Ba alamb kes kanem kanem erkun enam sape se kerma punom eri. Embe pile kenem kes alamb puli tonagora ne pisamen. Ba alamb puli keswei kes si gosum.
NIM NALNE PISEN? Baibel nepakim mal kes kerma kerma embe erkelde alamb ombun kawum mo?
Mal kopo, kono na keswos kerma kerma erkelde alamb millien puli kes ombun kawum. Alamb millien puli keswei alamb ende angela ombun kawum e—enjep tawol ersi meim ga ombun ngom. Baibel wal embe mal mine wonda pane pakim buro pile.
[Footnote]
a Kes Mabuk Hemoragik e wairus ende kes Ebola bol ding mal paim.
[Blurb]
“Laion ende nim koksa e kes paim, ba kes kambem ende nim kokim dal e keswei panda, kenem wal e kunum kunum mine wondo kanmen.”—EPIDEMIOLOGIST MICHAEL OSTERHOLM.
[Picture Credit Line]
© William Daniels/Panos Pictures