Kunum Ka Mine Wonda Mand Wei Enem!

“Kunum kanan wo napundo mambnem kes esim alamb namoram. Ba molmene mem esim alamb Got mal pel enjep ngonda. Enjep wowo wei pile kumbol amin bol moram.”—SONG 37:10, 11, NWT.

NIM yu propet e mine wondo kanal nepisen mo? Bunuman tal napanda, weieri kanjel. Memka pande pilgi nimen nalenem, yu propet e weieri mine wonda.

Yu pende yero mom kanjin bar, Baibel yu propet ne mokum tane penem kerem “kunum pornim” bar meimen. (2 Timoti 3:1-5) Got murmurlom dongal bu ngongo alamb Baibel yu propet wal bulto mine wonda mal bonjip, yu e pakero kelnde wal ka kui esmen. (Rom 15:4) Baibel yu propet nemokum mongom weieri tonom, e tadom ombun duwom kaumon porninda mand wei enem.

Kunum porninda ninda kunum bulto nawal mine wonda? Got Gapman alamb porpor kantawol enda. (Matyu 6:9) Kunum ele Baibel ya mala wal kawei mine wonda padom pile:

● Komb kono nasenda. “Ya mala wit na wal puli mora; ala ep kimbem a wit na wal puli mora eri.”—Song 72:16, NWT.

● Keswos wei naronda. “Alamb ende kulu ele mora ‘na kes tonom paninda.’”—Aisaia 33:24, NWT.

● Mal ala wose kawei wei punda. “Kulu aei na mal kulman erseim kapisam, ala kulu kulman er aei seim bar kapisam nalenem, palwa kulu palpal, plawa Safron borom mal bol wai ninda.”—Aisaia 35:1, NWT.

Baibel yu propet kawei pende nekem meim, mongom tonda mand wei enem. Embe pile Johova Witnis ga nalende, kunum kawei akling mine wonda ne pilgi nim, enjep ki si kanjel.