ʼE loaloaga feafeaʼi anai te fono?

ʼE teitei hola katoa.

ʼE fai anai ʼifea te fono?

Fakalavelave ki te kau Fakamoʼoni ʼa Sehova ʼo tou fenua.

ʼE totogi anai koa te ulu?

Kailoa.

ʼE fai anai koa he tae falā?

Kailoa.

ʼE ʼi ai koa he faʼahiga teu ʼe tonu ke ʼai?

ʼE mole fakamaʼua he faʼahiga teu, kae ʼe faiga e te kau Fakamoʼoni ʼa Sehova ke natou mulimuli ki te ʼu tokoni ʼae ʼi te Tohi-Tapu ʼo ʼuhiga mo te faʼahiga teuteu. ʼE natou faiga ke natou fakaha tanatou aga fakapotopoto mo tanatou aga fakaʼapaʼapa. (1 Timoteo 2:9) ʼE mole fakamaʼua ke tui he ʼu mutuʼi meʼa ʼe totogi kovi.

Kotea ʼae ka fai ʼi te Fakamanatu?

ʼE kamata te fono ʼaki he katiko pea mo he faikole ʼe fai e he Fakamoʼoni ʼa Sehova, pea ʼe toe fai feia pe ʼi te fakaʼosi. ʼE fakamahino ʼi te akonaki ʼo te Fakamanatu pe koʼe ʼe maʼuhiga te sakilifisio ʼo Sesu pea kotea te ʼu lelei ʼe feala ke tou maʼu ʼuhi ko te meʼa ʼae neʼe fai e te ʼAtua pea mo Kilisito maʼa tatou.

Kapau ʼe ke fia maʼu he tahi ʼu fakamahino, vakaʼi te alatike “He Koʼe ʼe Mole Tatau Ia Te Faʼahiga Fai ʼa Te Kau Fakamoʼoni ʼa Sehova Ia Te Taumafa ʼa Te ʼAliki Pea Mo Te ʼu Lotu ʼAe?”

Te ʼu fakamanatu ʼo te ʼu taʼu ka haʼu

2025: Moeaki ʼaho 12 ʼo Apelili

2026: Felianima ʼaho 2 ʼo Apelili