ʼEi. Tatau aipe pe ko te potu fea ʼae ʼe matou maʼuʼuli ai, kaʼe ʼe matou faiga fuli ke matou maʼu ia te faʼahiga manatu ʼa he misionea, ʼae ʼe ko te palalau tuʼumaʼu ki te hahaʼi ʼo ʼuhiga mo tamatou tui.—Mateo 28:19, 20.

Pea tahi, ko ʼihi kau Fakamoʼoni ʼe olo fakatemi peʼe olo ʼo maʼuʼuli ʼosi ʼi he koga meʼa ʼo tonatou fenua ʼe hahaʼi ai ia natou ʼe fia logo ki te logo lelei ʼae ʼe haʼu mai te Tohi-Tapu. Pea ’e olo ʼihi kau Fakamoʼoni ki he fenua matapule ke lahi ai tanatou faifakamafola. ʼE natou fiafia he ʼe natou kau ki te fakahoko ʼo te lea fakapolofeta ʼaeni ʼa Sesu: “E koutou liliu anai ko aku tagata fakamooni . . . o kaku ki te u potu fuli o te malamanei.”—Gaue 1:8.

ʼI te taʼu 1943, neʼe matou fakatuʼu ia he fale ako ʼe tokaga tafitō ki te akoʼi ʼo niʼihi ke liliu ko he kau misionea. Talu mai ai, ko Fakamoʼoni ’e 8000 tupu neʼe kau ki te ako ʼaia, ʼae kua higoa nei ko te Ako Tohi-Tapu ’o Kileate.