Ohage ko tona fakaha ’i te Tohi-Tapu, ko te huafa totonu ’o te ’Atua ’e ko Sehova. (Ekesote 6:3; Pesalemo 83:18, Bible de Crampon, 1905) Ko he fakamo’oni ’e ko he tahi ’e ina tala ni manatu pe’e ko ni mo’oni ’e tui papau ki ai. Koia, ’e fakahigoa’i matou ko te kau Fakamo’oni ’a Sehova, kote’uhi ’e matou tala te mo’oni ’o ’uhiga mo Sehova, te Tupu’aga ’o me’a fuli. (Apokalipisi 4:11) ’E matou toe fakamo’oni ki te haha’i ’aki tomatou fa’ahiga ma’uli pea mo tamatou palalau ’ae ki te ’u akonaki ne’e matou ako ’i te Tohi-Tapu.—Esaia 43:10-12; 1 Petelo 2:12.