’I te manatu ’a he tahi ’e tauhi lotu lelei ’e ko tana pe ia lotu ’ae ’e tali e te ’Atua pea mo Sesu, ka na ’aua la ’e mole he ’uhiga ’o tana tauhi fakamalotoloto. Ne’e mole lagolago ia Sesu Kilisito ki te manatu ’ae ko te ’u lotu fuli ’e ina taki ki te ma’uli. Ka’e ne’e ina ui fenei: “E lau veliveli te matapa, pea e lau veliveli mo te ala ae e na taki ki te mauli, pea e toko sii natou ae e natou mau.” (Mateo 7:14) ’E tui ia te kau Fakamo’oni ’a Sehova kua natou ma’u te ala ’aia. Ka na ’aua la, ne’e kua natou kumi he tahi age lotu.