’O mulimuli ki te fa’ifa’itaki ’o te kau ’uluaki Kilisitiano, ’e mole matou fakakehekehe’i tamatou kau takitaki lotu mai te haha’i fakalogo. ’I te temi ’ae kua matou papitema ai, kua matou liliu fuli ko he ’u minisi fakalotu ’e matou kau ki te faifakamafola pea mo te ako’i ’o te Tohi-Tapu ki te haha’i. ’E matou fakatahitahi fakakokelekasio, ’o matou teitei taki toko 100 tupu. ’E fakahoko e te ’u Kilisitiano kua fotufotu’a ’i te fa’ahi fakalaumalie, ’ae ’e matou fakahigoa’i ko te ’u tagata ’afeā, ia te ’u ma’ua ’i te ’u kokelekasio takitahi ’aia. (Tito 1:5) Pea ’e mole totogi tanatou gaue ’aia.