Neʼe Tekeʼi e Sopo Te ʼu Manatu Hala
ʼE fakaʼaogaʼi e Satana te ʼu loi moʼo fakalotovaivaiʼi te ʼu kaugana ʼa Sehova ia ʼaho nei. ʼI te tohi ʼo Sopo, ʼe ke fakatokagaʼi ai te kehekehe ʼo te ʼu loi ʼa Satana mo te ʼu meʼa ʼae ʼe logoʼi moʼoni e Sehova. Vakaʼi ʼi te ʼu vaega Tohi-Tapu ʼae ʼe hoa mai, ʼe ha ai ko Sehova ʼe tokaga kia koe.
TE ʼU LOI ʼA SATANA |
TE ʼU MEʼA ʼAE ʼE LOGOʼI MOʼONI E SEHOVA |
---|---|
ʼE faigataʼa fau te ʼu meʼa ʼae ʼe fakamaʼua e te ʼAtua ki ʼana kaugana, koia ʼae ʼe mole feala ia ke natou fai he meʼa ʼe fiafia ai te ʼAtua kia natou. ʼE mole feala ki te tagata hana fakafiafiaʼi tona loto (Sopo 4:18; 25:5) |
ʼE fiafia ia Sehova ʼi te ʼu faiga ʼae ʼe tou fai ʼaki he agavaivai (Sopo 36:5) |
Ko te tagata ʼe mole hona ʼuhiga ki te ʼAtua (Sopo 22:2) |
ʼE tali e Sehova tatatou tauhi agatonu pea ʼe ina tapuakinaʼi (Sopo 33:26; 36:11) |
Ko te ʼAtua ʼe mole tokaga kia koe tatau aipe pe ʼe ke agatonu (Sopo 22:3) |
ʼE tokagaʼi e Sehova te tagata agatonu (Sopo 36:7) |