31:44-53

He koʼe neʼe tanaki fakatuʼuga e Sakopo mo Lapane he ʼu maka?

• Neʼe ko he fakata ʼaia ki te hahaʼi fuli ʼae neʼe fakalaka ai ki te fuakava ʼo te tokalelei ʼae neʼe nā fai

• Neʼe ko he fakamanatu ʼaia kia naua neʼe sioʼi e Sehova pe neʼe nā taupau tanā fuakava ʼo te tokalelei

Ia ʼaho nei, ʼe loto e Sehova ke tokalelei tana hahaʼi. ʼE tokoni feafeaʼi anai te ʼu kalitate ʼe tolu ʼaeni ke tou taupau ia te tokalelei peʼe ko te kumi ʼo te fakatokatoka?

• Palalau fakahagatonu.—Mat 5:23, 24

• Ke ke lotofakamolemole.—Kol 3:13

• Ke ke faʼa kataki mo agalelei.—Lom 12:21