TE MAʼULI FAKAKILISITIANO
Tou Fakaʼaogaʼi Lelei ʼAtatou Meʼa Gaue Ki Te Faiako
Ko te fai ʼo ni tisipulo ʼe hage ko he laga ʼo he fale. Ke lelei tona faʼu ʼe maʼua ke tou fakaʼaogaʼi lelei ʼatatou meʼa gaue. Tafito la tatatou meʼa gaue maʼuhiga ʼae ko te Folafola ʼa te ʼAtua. (2Ti 2:15) Pea tou toe fakaʼaogaʼi fakalelei mo ʼatatou tahi ʼu tohi pea mo te ʼu ʼata viteo ʼi te faifakamafola mo te fakatuʼutuʼu ʼae ke tou fai ni tisipulo. *
ʼE feafeaʼi he hikihiki ʼo takotou fakaʼaogaʼi te ʼu Meʼa Gaue Ki Te Faiako? (1) Kole tokoni ki te tehina taupau ki te kutuga faifakamafola, (2) faifakamafola mo he tehina peʼe ko he tuagaʼane fotufotuʼa peʼe ko he pionie pea (3) gaue, gaue tuʼumaʼu. ʼI takotou kua mahani leva mo te ʼu meʼa gaue ʼaia, te ʼu tohi pea mo te ʼu ʼata viteo, ʼe kotou fiafia lahi anai ʼi takotou laga te gaue ʼi te faʼahi fakalaumalie ʼae ʼe lolotoga fakahoko.
NUSIPEPA
KAUPEPA LALAHI
TOHI
KIʼI PEPA LOTU
ʼATA VITEO
PEPA FAKAAFE
KIʼI KATE
^ pal. 3 Ko ʼihi tohi ʼe mole tou maʼu ʼi ʼatatou Meʼa Gaue Ki Te Faiako neʼe ta ki ʼihi faʼahiga hahaʼi pe. Kae ʼe feala ke tou fakaʼaogaʼi moka ʼe ʼaoga.
