1:5-9

Neʼe kole e Paulo kia Tito ke ina “fakanofo he ʼu tagata ʼafeā ʼi te ʼu kolo takitahi.” Ia ʼaho nei, ʼe mulimuli pe ia te ʼu taupau siliko ki te faʼifaʼitaki Fakatohi-tapu ʼaia, moka natou fakanofo he tahi ʼi te kokelekasio.

O mulimuli pe ki te faʼifaʼitakiʼaga ʼi te ʼuluaki sekulo, ʼe tuku e te Kolesi Pule ki te kau taupau siliko te gaue maʼuhiga ʼae ke natou fakanofo te ʼu tagata ʼafeā mo te ʼu tagata faifekau fakaminisitelio.

ʼE tonu ki te ʼu taupau siliko fuli ke natou faikole mo vakavakaʼi fakalelei te ’u fakatuʼutuʼu ʼa te kau tagata ʼafeā ʼo te kokelekasio ʼo ʼuhiga mo he tehina ʼe tuha ke tagata ʼafeā peʼe ke tagata faifekau fakaminisitelio. Pea hoki natou hinoʼi leva te ʼu tehina ki te pilivilesio ʼaia.

Hili tonatou fakanofo, ʼe maʼua ki te ʼu tagata ʼafeā ke natou maʼuliʼi tuʼumaʼu te ʼu kalitate ʼae ʼe fakamaʼua age ʼi te Tohi-Tapu.