Lolotoga te tufa ka tou fai anai ʼi te ʼaho 27 ʼo Fepualio, ʼe tou faiga anai ke tou fakaafe te hahaʼi ke natou kau mo tatou ki te Fakamanatu ʼo te mate ʼo Kilisito. ʼE tou toe tokakaga lelei anai kia natou ʼae neʼe fia logo ʼo tou hoko atu tatatou olo ʼo ʼaʼahi natou.

ʼAU ʼULUAKI PALALAU

“ ʼE matou tufa te pepa fakaafe ʼaeni ki he toʼotoʼoga maʼuhiga. ʼI te ʼaho 23 ʼo Malesio, ʼe fakatahitahi anai ia te toko lauʼi miliona hahaʼi ʼi te malamanei katoa ʼo fakamanatu ia te mate ʼo Sesu Kilisito. ʼE fai anai ia he akonaki ʼe talanoa ki te ʼu lelei ʼe feala ke tou maʼu mai tona mate. ʼE tohi ʼi te pepa ʼaeni ia te hola pea mo te koga meʼa ʼae ʼe fai ai tamatou fakatahi. ʼE matou fiafia anai moka kotou ʼomai.”

Kapau ʼe fia logo he tahi . . .

• TUFA ʼO TE TULE LEʼO

  Lagaʼi he fehuʼi ke ke toe liliu ʼo ʼaʼahi ia ia.

• FAKAHA TE ʼATA VITEO KI TE ʼAHO FAKAMANATU

  Lagaʼi he fehuʼi ke ke toe liliu ʼo ʼaʼahi ia ia.

Ka ke toe liliu, ʼe feala ke ke . . .

• FAKAHA HE KO ʼE ʼE LELEI KE KE AKO TE TOHI-TAPU?

  Pea ke fakaui hana ako Tohi-Tapu.

• TUFA KOTEĀ ’AĒ ’E AKO’I MOʼONI MAI ’I TE TOHI-TAPU?

  Faipalalau ki he tahi ʼu fakamahino ʼo ʼuhiga mo te ʼAho Fakamanatu ʼi te ʼu pasina 206-208. Pea tuku age te tohi.

• TUFA FAKALOGO KE MĀʼUʼULI

  Faipalalau ki te fakaʼuhiga ʼo te mate ʼo Kilisito ʼi te pasina 18-19. Pea tuku age te kaupepa.