ʼE ha te kololia ʼo Sehova ʼi te ʼu meʼa ʼae neʼe ina fakatupu. (Pes 19:2-5; 139:14) Kaʼe, ʼe fakaha ʼi te malama ʼa te Tevolo he ʼu fakamahino ʼo ʼuhiga mo te tupuʼaga ʼo te maʼuli moʼo fakalainoaʼi te ʼAtua. (Lom 1:18-25) ʼE feafeaʼi hakotou taʼaki te taʼi ʼu manatu ʼaia mai te fakakaukau mo te loto ʼo ʼakotou fanau? Kotou tokoni kia natou ʼi tanatou kei veliveli ke natou tui ʼe maʼuli ia Sehova pea ʼe tokaga kia natou takitokotahi. (2Ko 10:4, 5; Efe 6:16) Kotou faiga ke kotou iloʼi ʼanatou manatu ʼo ʼuhiga mo te ʼu aluʼaga ʼae ʼe akoʼi age ʼi te fale ako. Pea kotou fakaʼaogaʼi te ʼu meʼa gaue ʼe kotou maʼu ke feala ke malave ki ʼonatou loto.—Taa 20:5; Skp 1:19.

KOTOU SIOʼI TE ʼATA VITEO ʼAENI TANATOU MANATU: TUI KI TE ʼATUA PEA KOTOU VAKAʼI TE ʼU FEHUʼI ʼAENI:

• Kotea te manatu ʼa te tokolahi ʼo ʼuhiga mo te tui ki te ʼAtua?

• Kotea ʼae ʼe akoʼi atu ʼi te fale ako?

• He koʼe ʼe kotou tui ʼe maʼuli moʼoni ia Sehova?

• ʼE kotou lava tokoni feafeaʼi ki he tahi ke ina fakakaukauʼi ko te ʼAtua ʼae neʼe ina fakatupu ia meʼa fuli?