TE MAʼULI FAKAKILISITIANO
Ke Lelei Age Tatatou Minisitelio—Fai He ʼu Fehuʼi Fakapotopoto
HE KOʼE ʼE MAʼUHIGA?: Kapau ko te ʼu manatu ʼi te loto ʼo te tagata ʼe hage ko he ʼu vai loloto pea ko te ʼu fehuʼi ʼe hage ko he pakete mo ʼona ohu. (Taa 20:5) Ko te ʼu fehuʼi ʼe tokoni mai ke tou fakapalalauʼi natou ʼae ʼe tou faifakamafola ki ai. Ka tou fai he ʼu fehuʼi ʼe lelei pea ko te ʼu tali ʼae ʼe tou maʼu mai ai, ʼe tou iloʼi ai te ʼu meʼa ʼae ʼi ʼonatou loto. Neʼe fai e Sesu he ʼu fehuʼi fakapotopoto. ʼE feafeaʼi anai hatatou faʼifaʼitakiʼi?
TE ʼU MEʼA ʼAE ʼE TONU KE KE FAI:
-
Fai he ʼu fehuʼi ke ke iloʼi ai tana manatu. Neʼe lahi te ʼu fehuʼi neʼe fai e Sesu ke ina iloʼi ai te manatu ʼo ʼana tisipulo. (Mat 16:13-16; Be-F p. 238 pal. 3-5) Koia kotea la te fehuʼi ʼae ʼe feala ke ke fai?
-
Fai he ʼu fehuʼi ke ke taki ki te manatu ʼae ʼe lelei. Moʼo fakatonutonuʼi te manatu ʼa Petelo, neʼe fai e Sesu he ʼu fehuʼi pea mo foaki age he ʼu tali ke ina maʼu te manatu ʼae ʼe lelei. (Mat 17:24-26) Koia, kotea anai te ʼu fehuʼi ʼe ke fai ki he tahi ke ina maʼu te manatu ʼae ʼe lelei?
-
Fakamalo kia ia ʼae ʼe fakalogo atu. Hili te tali poto age ʼa te sekelipa, neʼe fakamalo age ki ai Sesu. (Mko 12:34) ʼE feafeaʼi hakotou fakamalo ki he tahi neʼe tali ki he fehuʼi?
VAKAʼI TE ʼULUAKI KOGA ʼO TE ʼATA VITEO TOU FAI TE GAUE ʼAE NEʼE FAI E SESU—TOU AKOʼI PEA MO TALI KI TE ʼU FEHUʼI ʼAENI:
-
He ko’e ʼe mole lelei tana faʼahiga faiako, logo la ʼe moʼoni te ʼu fakamahino?
-
He koʼe ʼe mole gata pe te faiako ki he ʼu fakamahino?
VAKAʼI TE LUA KOGA ʼO TE ʼATA VITEO PEA MO TALI KI TE ʼU FEHUʼI ʼAENI:
-
Neʼe fakaʼaogaʼi fakapotopoto feafeaʼi e te tehina ia te ʼu fehuʼi?
-
Pea kotea te tahi ʼu faʼahi ʼo tana faʼahiga faiako ʼe feala ke tou faʼifaʼitakiʼi?