Neʼe fakaʼaogaʼi e Sesu te fakata ʼo te fulumeto mo te vao kovi moʼo fakaha ai pe ʼe ina taʼaki feafeaʼi anai mo te temi fea, te kutuga katoa ʼo te fulumeto ʼae ko te kau Kilisitiano fakanofo mai te malamanei ʼo kamata mai ʼi te taʼu 33 H.T.S.

13:24

‘Te tagata ʼae neʼe ina nunusi tana pulapula ʼae ʼe lelei ʼi tana gaueʼaga’

• Te tagata nunusi pulapula: Sesu Kilisito

• Nunusi te pulapula lelei: Te fakanofo ʼo te ʼu tisipulo ʼa Sesu ʼaki te laumalie maʼoniʼoni

• Te gaueʼaga: Te malamanei

13:25

“Pea ʼi te lolotoga momoe ʼa te hahaʼi, neʼe alu age tona fili ʼo ina nunusi te vao kovi”

• Te fili: Te Tevolo

• Te momoe ʼa te hahaʼi: Te mate ʼa te kau apositolo

13:30

“Kotou tuku ke nā hohomo fakatahi ake ʼo kaku ki te taʼukai”

• Te fulumeto: Te kau Kilisitiano fakanofo

• Te vao kovi: Te kau Kilisitiano loi

“Kotou taʼaki muʼa ia te vao kovi . . . , pea kotou tanaki leva te fulumeto”

• Te ʼu kaugana/te ʼu tagata tanaki taʼukai: Te kau ʼaselo

• Te vao kovi ʼae neʼe tanaki: Te kau Kilisitiano loi ʼae neʼe vaheʼi kehe mai te kau Kilisitiano fakanofo

• Te tanaki ki te fale tanakiʼaga: Ko te kau Kilisitiano fakanofo ʼe tanaki natou ki te ʼu kokelekasio ʼae neʼe kua fakamaʼa

ʼI te kamata ʼo te taʼukai, kotea neʼe kehekehe ai ia te kau Kilisitiano moʼoni mo te kau Kilisitiano loi?

Kotea te ʼu fua lelei ʼe feala ke au maʼu ʼi taku mahino ki te lea fakata ʼaeni?