KE KE FAIVA ʼI TE FAIFAKAMAFOLA | KE LAHI AGE TOU FIAFIA ʼI TE FAIFAKAMAFOLA
Faiako ʼAki He Lotofiafia
Ka iloga tou fiafia, ʼe fia logo te hahaʼi ki tau palalau pea mo natou mahino ki te maʼuhiga ʼo te logo. Ko tatou fuli ʼe tonu ke tou faiga ke tou popoto ʼi te palalau mo he lotofiafia. (Lom 12:11) Kotea ʼae ʼe tonu ke tou fai?
ʼUluaki, fakakaukauʼi te maʼuhiga ʼo te logo ʼae ʼe tou fakaha, pea mo te toe pilivilesio ʼe tou maʼu ko te ‘tala ʼo te logo lelei.’ (Lom 10:15) Lua, fakakaukauʼi te ʼu lelei ʼe feala ke maʼu e te hahaʼi mo kapau ʼe natou tali te logo. Koia ʼe maʼuhiga ai ke natou maʼu te logo. (Lom 10:13, 14) Tolu, palalau ʼaki he lotofiafia pea ke iloga ʼi ʼou fofoga.
VAKAʼI TE ʼATA VITEO ʼE TOU FIAFIA ʼI TE FAI ʼO NI TISIPULO MOKA TOU FAIVA ʼI TE FAIAKO ʼAKI HE LOTOFIAFIA, PEA MO TALI KI TE ʼU FEHUʼI ʼAENI:
-
Kotea ʼae neʼe puli ai te fiafia ʼo Neeta ʼi tana fai te ako ʼa Jade?
-
Kotea ʼae neʼe tokoni kia Neeta ke ina toe maʼu tona fiafia?
-
He koʼe ʼe tonu ke tou tokagaʼi tafito ia te ʼu kalitate ʼo natou ʼae ʼe tou faipalalau mo natou?
-
He koʼe ʼe maʼuhiga ke iloga totatou fiafia moka tou faifakamafola, tafito moka tou fai he ako?