Ko tatou fuli ʼe tou heʼe haohaoa, koia ʼe tonu ai ke tou lolomi tuʼumaʼu ʼotatou holi kovi. Kapau ʼe mole tou fai ia te faʼahi ʼaia, ʼe tou fakamamahiʼi ia te loto ʼo Sehova. Ohage la, ʼe ʼi ai ʼihi ʼe natou fakamuʼamuʼa ia te meʼa kai, te meʼa lauga peʼe ko ʼonatou ʼapi, ʼi tonatou ʼofa ʼae kia Sehova. ʼE ʼi ai ʼihi ʼe natou fai he ʼu felaveʼi fakasino heʼe ʼaoga ʼo natou maumauʼi ai te ʼu lao ʼa te ʼAtua. (Lom 1:26, 27) Ko ʼihi ʼe natou fai he ʼu aga ʼe kovi, ʼuhi ko tanatou fia lelei ki ʼonatou kaugā ako.​—Eke 23:2.

Kotea ʼae ʼe tonu ke tou fai ke tou lava lolomi ʼotatou holi kovi? ʼE tonu ke tou tokaga tafito ki te ʼu meʼa fakalaumalie. (Mat 4:4) Tou kole mamahi kia Sehova ke tokoni mai ke tou lava puleʼi ʼotatou holi. Kotea tona tupuʼaga? He ʼe ina iloʼi lelei totatou ʼuhiga pea mo te ʼu meʼa ʼae ʼe ʼaoga moʼoni kia tatou.​—Ps 145:16.

SIOʼI TE ʼATA TE ʼU NUNUʼA KOVI ʼO TE SULUKA, PEA MO TALI KI TE ʼU FEHUʼI:

• He koʼe ʼe suluka te hahaʼi?

• Kotea te ʼu nunuʼa kovi ʼo te suluka?

• He koʼe ʼe kovi te suluka peʼe ko te manava ki te kohu ʼo te suluka?—2Ko 7:1

• ʼE feafeaʼi hatatou fakafisi peʼe ke tou taʼofi te suluka?