Kua vave hoko mai te fakaʼosi ʼo te malama ʼaeni. Koia ʼe tou iloʼi ʼe ʼaʼasili kovi anai te ʼu tokakovi, mo te agatuʼu pea mo te ʼu tau. (Apk 6:4) ʼE feafeaʼi hatatou nonofo teuteu ki te ʼu aluʼaga ʼaia?

• Kotou nonofo teuteu ʼi te faʼahi fakalaumalie: Kotou kumi te ʼu vaega peʼe ko he ʼu fakamatala ʼi te Tohi-Tapu, ʼe ina fakamalohiʼi takotou falala kia Sehova pea mo tana kautahi, pea mo tokoni atu ke kotou nonofo agatonu. (Taa 12:5; jr-F 125-126 23-24) Ko te temi ʼaeni ke tou kaumeʼa lelei mo ʼotatou tehina mo tuagaʼane ʼo te kokelekasio.​—1Pe 4:7, 8

• Kotou nonofo teuteu ʼi te faʼahi fakasino: Kotou teuteuʼi he nonoʼaga ʼi tokotou ʼapi, moka mole feala anai ke kotou mavae mai io koutou. Kotou tanaki hakotou meʼa kai. Kotou fakakaukauʼi he koga meʼa ke kotou feholaki ki ai. Kotou teuteuʼi ʼakotou kato haofaki maʼuli, ʼo kotou ʼai ai te ʼu meʼa maʼuhiga pea mo he foʼi falā. Kotou tohi ia te ʼu numelo telefoni ʼa te kau tagata ʼafeā pea mo kotou tuku age ʼakotou numelo.​—Esa 32:2; g17-F.5 3-7

Ka hoko te tokakovi, kotou taupau ʼakotou agamahani fakalaumalie. (Flp 1:10) Kotou nonofo maʼu io koutou, gata pe mo kapau ʼe tonu ke kotou feholaki ki he koga meʼa. (Mat 10:16) Kotou vaevae takotou meʼa kai.​—Lom 12:13

SIOʼI TE ʼATA KUA KOTOU TEUTEU KOA KI TE ʼU TUʼUTAMAKI FAKANATULA PEA MO TALI KI TE ’U FEHU’I:

• ʼE tokoni feafeaʼi mai Sehova moka hoko he tuʼutamaki fakanatula?

• Kotea ʼae ʼe feala ke tou fai ke tou teuteu ai ki te ʼu aluʼaga ʼae ka hoko mai?

• ʼE feafeaʼi hatatou tokoni kia natou ’ae ʼe faigataʼaʼia ʼi te tuʼutamaki fakanatula?