TE MAʼULI FAKAKILISITIANO
Ke Ke Maʼu Te Faʼahiga Sio ʼa Sehova Kia Koe
“ ʼE ʼofa ia Sehova ʼi tana hahaʼi.” (Pes 149:4) Logo la ʼe tou agahala fuli, kae ʼe tokagaʼi e Sehova ʼotatou kalitate pea mo ʼotatou fealagia. Kae ʼi ʼihi temi, ʼe mole tou maʼu he faʼahiga sio ʼe lelei ʼo ʼuhiga mo tatou. ʼE lagi gaohi koviʼi tatou e ʼihi ʼo tupu ai tatatou manatu ʼe mole hotatou ʼuhiga. Peʼe tou manatu fau ki ʼatatou agahala neʼe tou fai ki muʼa atu, ʼo tou manatu ʼe lagi mole ʼofa ia Sehova ia tatou. Kotea ʼae ʼe feala ke tokoni mai moka tou logoʼi te ʼu faʼahi ʼaia?
Kotou manatuʼi ʼe lava sio ia Sehova ki te meʼa ʼae ʼe ʼu ki te tagata. (1Sa 16:7) Ko tona fakaʼuhiga ʼe ina iloʼi lelei age tatou ia tatou totonu. Kae meʼa lelei, he ʼe fakamahino mai ʼi te Tohi-Tapu te faʼahiga sio ʼa Sehova kia tatou. Ka tou lau ia te ʼu vaega peʼe ko he ʼu fakamatala Fakatohi-tapu ʼe tou mahino ai ki te ʼofa lahi ʼa Sehova ki tana hahaʼi.
SIOʼI TE ʼATA FAKAFIMALIEʼI TOU LOTO IA MUA ʼO SEHOVA, PEA MO TALI KI TE ʼU FEHUʼI ʼAENI:
-
Kotea te ako ʼe feala ke tou taʼofi mai te faʼifaʼitaki ʼo te tamai pea mo tona foha ʼae ʼe lele?
-
Kapau ʼe fai he tahi he agahala mamafa pea ʼe ina fai he ʼu fakatuʼutuʼu ke ina toe maʼu he ʼu felogoi lelei mo Sehova, kotea ʼae ʼe feala ke tui papau ki ai?—1So 3:19, 20
-
He koʼe neʼe lelei ki te tehina ke ina lau mo metitasio ki te ʼu hisitolia ʼo Tavite pea mo Sosafate?